KAMGUD MOA LONG WOK BLONG PRIJ | KASEM MOA GLAD LONG WOK BLONG PRIJ
Letem Jehova i Halpem Yu Tru Long Prea
Jehova nao i stap mekem sid blong trutok i gru long hat blong man. (1Ko 3:6-9) Taswe blong wok blong yumi i karem frut, yumi mas dipen long Jehova blong i halpem yumi mo ol Baebol studen.
Askem Jehova blong i halpem studen blong yu blong i stanap strong mo i winim ol traem. (Fil 1:9, 10) Yu mas talem klia ol samting. Prea from tabu spirit blong i lidim ol tingting mo ol aksen blong yu. (Lu 11:13) Tijim ol Baebol studen blong oli prea mo askem olgeta blong oli mekem. Talem nem blong ol Baebol studen taem yu prea wetem olgeta mo taem yu prea from olgeta.
WAJEM VIDEO YA GLAD LONG WOK BLONG MEKEM DISAEPOL—LETEM JEHOVA I HALPEM YU—PREA, MO ANSA LONG OL KWESTIN YA:
-
?Wanem jalens we Neeta i fesem taem i stadi wetem Jade?
-
?Olsem wanem 1 Korin 3:6 i halpem Neeta?
-
?Olsem wanem Neeta i winim jalens ya?
