Ol miting blong prij, oli olsem ol miting blong kongregesen. Jehova i yusum ol miting blong yumi givgivhan long yumi blong yumi lavem ol narafala mo blong yumi mekem ol gudfala wok. (Hib 10:24, 25) Hem i sud tekem faef kasem seven minit blong mekem. Long taem ya, yu save oganaesem grup, givim teritori mo talem prea. (Be sipos hem i afta long wan narafala miting, bambae i sot moa.) Brata we i lidim wok ya, i mas rerem sam samting we bambae i givhan long olgeta we oli joen long wok blong prij long dei ya. Eksampol, long Sarede taem plante oli no joen long wok blong prij long medel wik, maet i gud brata i tokbaot ol samting we ol pablisa oli save talem long ol man long haos. ?Wanem sam narafala topik we maet i gud blong tokbaot?

• Wan fastok insaed long Kristin Wok Mo Laef—Miting Wokbuk

• Olsem wanem blong yusum wan nius o wan samting we i jes hapen, blong statem wan storian

• Olsem wanem blong toktok long wan we i traem blokem yu

• Olsem wanem blong toktok long wan man we i no bilif long God, wan man we i bilif long evolusen, wan man we i toktok narafala lanwis, o wan man we i joen long wan skul we plante manples oli no save

• Olsem blong yusum wan haf we i stap long jw.org websaet, JW Library^® app, o long Baebol

• Olsem wanem blong yusum wan long ol tul we i stap long Tijing Tulboks

• Olsem wanem blong mekem ol wok blong prij, olsem telefon witnesing, raetem leta, prij long pablik, mekem visit, o mekem Baebol stadi

• Long wok blong prij, tokbaot sefti, fasin blong jenisim storian, gat gudfala fasin, holem positif tingting o sam samting

• Wan lesen o video long buklet ya Kamgud Moa Blong Rid Mo Tij

• Olsem wanem blong enkarejem mo halpem brata o sista we yu prij wetem hem

• Wan vas we i laenap wetem wok blong prij, o wan gudfala ekspiriens blong wok blong prij