Ol prea we Jehova i glad long olgeta, oli olsem naesfala smel blong insens we oli stap bonem long tempol, long fored blong Jehova. (Sam 141:2) Taem yumi prea long Papa blong yumi long heven blong talem tangkiu mo soem lav, talem ol wari mo ol samting we yumi wantem, mo askem advaes long hem, hemia i soemaot se yumi tinghae long frensip we yumi gat wetem hem. Jehova i luk ol prea we oli mekem long miting olsem wan impoten haf blong wosip. Mo taem yumi tekem taem blong prea, i sua se hem i glad tumas long ol tingting mo ol filing we yumi talem long hem.—Pro 15:8.

WAJEM VIDEO YA MI MI WAN MAN BLONG PREA, BIAEN ANSA LONG OL KWESTIN YA:

• ?Wanem ol wok blong Jehova we Brata Johnson i enjoem?

• ?Olsem wanem ol prea blong hem oli soemaot se hem i dipen long Jehova?

• ?Yu lanem wanem long stori blong Brata Johnson?