LAEF BLONG OL KRISTIN
“Gat Fasin Ya Blong Givim Samting”
Jisas i soem se fasin blong givim samting i save pulum narafala blong mekem sem mak. (Lu 6:38) Taem yu gat fasin ya blong givim samting, bambae ol brata sista tu oli wantem mekem sem mak.
Glad blong givim samting i wan haf blong wosip. Jehova i promes blong pembak olgeta we oli glad blong givim samting mo givhan long ol narafala brata sista.—Pro 19:17.
WAJEM VIDEO YA MIFALA I GLAD FROM YUFALA I STAP GIVIM SAMTING, BIAEN ANSA LONG OL KWESTIN YA:
-
?Olsem wanem ol presen mane we yu givim i halpem ol brata sista?
-
?From wanem yumi mas gohed blong givim samting, nomata se i plante o smol?—Luk atikol ya tu, long jw.org “Olgeta We Oli Gat Plante Oli Givhan Long Olgeta We Oli Sot Long Samting.”
