Jisas i givim laef blong hem from ol sinman. (Ro 5:8) I sua se yumi wanwan i glad tumas from lav we Jisas i soemaot long yumi, taem hem i givim laef blong hem blong pemaot yumi. Be samtaem i gud blong yumi tingbaot se Jisas i ded from ol brata blong yumi tu. ?Olsem wanem yumi save soemaot se yumi lavem ol brata mo sista blong yumi, olsem we Jisas i mekem? Tingbaot tri rod. Faswan, yumi traem fren moa wetem ol brata mo sista blong defren ples. (Ro 15:7; 2Ko 6:12, 13) Namba tu, yumi lukaotgud blong no talem o mekem wan samting blong narafala i harem nogud. (Ro 14:13-15) Laswan, sipos narafala i mekem i nogud long yumi, yumi mas kwik blong fogivim hem. (Lu 17:3, 4; 23:34) Olsem Jisas, sipos yumi traehad blong folem ol samting ya, bambae Jehova i blesem kongregesen, i mekem se evriwan i joengud mo i gat pis.

WAJEM VIDEO YA !YU KAM NAES MOA!, BIAEN YU ANSA LONG OL KWESTIN YA:

• ?Miki i gat wanem tingting long kongregesen blong hem?

• ?Wanem i mekem se ol filing blong hem oli jenis?

• ?Olsem wanem eksampol blong Jisas i halpem Miki blong i jenisim tingting blong hem? (Mk 14:38)

• ?Olsem wanem Ol Proveb 19:11 i givhan long yumi blong gat stret tingting long ol brata mo sista?