Yumi evriwan i save mekem wan gudfala wok blong Jehova. Jehova i no save fogetem ol wok we yumi mekem mo lav we yumi soemaot long nem blong hem. Hem i olsem wan papa we i glad tumas long wok we ol pikinini blong hem oli mekem. (Mt 6:20; Hib 6:10) I tru se laef blong yumi i no sem mak. Be sipos yumi mekem bes blong yumi long wok blong Jehova, bambae yumi glad. (Ga 6:4; Kol 3:23) Long ol yia we oli pas, plante taosen brata mo sista oli wok long Betel. ?Yu yu glad blong kam givhan long ol wok blong Betel? Sipos yu no naf, yu save leftemap tingting blong wan narafala blong go wok long Betel, o yu save halpem hemia we i stap wok long Betel blong i gohed long wok ya.

WAJEM VIDEO YA RERE BLONG WOK LONG BETEL, MO BIAEN YU ANSA LONG OL KWESTIN YA:

• ?Wanem i mas pusum yu blong wok long Betel?

• ?Wanem ol blesing we samfala oli tokbaot from wok we oli mekem long Betel?

• ?Wanem ol mak we yu mas kasem blong wok long Betel?

• ?Olsem wanem blong aplae from wok long Betel?