LAEF BLONG OL KRISTIN
Lav i Makemaot Ol Trufala Kristin—Yu Mas Glad Long Trutok Nomo
?FROM WANEM I IMPOTEN?: Yumi mas talemaot trutok long saed blong ol stamba tingting blong God, olsem we Jisas i mekem. (Jon 18:37) Mo yumi mas glad long trutok, talem trutok, mo tingbaot ol samting we oli tru, nating se yumi laef long wan wol we i fulap long giaman mo ol rabis fasin.—1Ko 13:6; Fil 4:8.
?YU MEKEM OLSEM WANEM?:
-
Yu no mas tokbaot nogud wan man.—1Te 4:11
-
Yu no mas glad taem narafala we i spolem yu i kasem trabol
-
Yu mas glad long ol gudfala samting we oli leftemap tingting blong yu
WAJEM VIDEO YA ‘YUFALA I MAS LAVLAVEM YUFALA’—YU MAS GLAD LONG TRUTOK NOMO, I NO LONG MAN WE I MEKEM I NO STRET, MO BIAEN YU ANSA LONG OL KWESTIN YA:
-
?Olsem wanem Debi i soemaot se hem i “glad long ol fasin we i no stret”?
-
?Olsem wanem Alis i jenisim storian blong tufala blong tokbaot wan gudfala samting?
-
?Wanem sam gudfala samting we yumi save tokbaot?
