6:9-11, 25-27, 54, 66-69

Taem Jisas i talem wan pijatok we ol disaepol oli no kasemsave, samfala oli lego hem. Be long dei bifo, Jisas i mekem wan merikel blong givim kakae long olgeta, we i soemaot se God i givim paoa long hem. ?From wanem samfala oli lego hem? Maet tingting we oli gat taem oli folem Jisas, hemia blong kasem samting we olgeta nomo oli wantem. Oli folem Jisas from samting long saed blong bodi nomo.

Yumi wanwan i mas askem se: ‘?Wanem i pulum mi blong folem Jisas? ?Mi folem Jisas blong kasem ol blesing naoia mo long fiuja? O ?Mi folem Jisas from we mi lavem Jehova mo mi wantem mekem hem i glad?’

?From wanem yumi save foldaon sipos yumi jes mekem wok blong Jehova from ol risen ya?

• Yumi laekem kampani wetem ol man blong God

• Yumi wantem laef long Paradaes