KAMGUD MOA LONG WOK BLONG PRIJ | KASEM MOA GLAD LONG WOK BLONG PRIJ
Yusum Ol Tul Blong Risej
Jehova i givim ol tul long yumi blong yumi save tij gud, olsem ol video, traket, magasin, buklet, buk mo impoten wan hemia Baebol. (2Ti 3:16) Be tu, hem i givim ol tul blong risej blong halpem yumi blong eksplenem ol vas. Hemia Watchtower Library, JW Library® app, Wajtaoa LAEBRI LONG INTENET™, mo Buk Blong Risej.
Bambae yu kasem bigfala glad taem yu yusum ol tul ya blong mekem risej blong stadi dip long Baebol. I gud yu trenem ol studen blong yu blong yusum ol tul ya, olsem nao, olgeta tu bambae oli glad blong faenem ansa blong ol kwestin we oli gat long Baebol.
WAJEM VIDEO YA GLAD LONG WOK BLONG MEKEM DISAEPOL—LETEM JEHOVA I HALPEM YU—OL TUL BLONG RISEJ, BIAEN ANSA LONG OL KWESTIN YA:
-
?Jade i no agri long wanem long saed blong kriesen?
-
?Weples Neeta i faenemaot moa infomesen long topik ya?
-
Yumi glad taem yumi faenem mo serem ol sas trutok blong Baebol
?Olsem wanem hem i jusum infomesen we i stret long Jade?
-
?Olsem wanem tul blong mekem risej i givhan long Neeta?
