!Yumi glad tumas blong gat wan niufala buklet mo buk blong mekem ol Baebol stadi! Yumi prea blong Jehova i blesem traehad blong yumi blong pulum moa man i kam disaepol. (Mt 28:18-20; 1Ko 3:6-9) ?Olsem wanem blong yusum ol niufala tul ya?

Buk ya !Enjoem Laef Olwe!—Wan Baebol Kos, i kam wetem wan niufala wei blong tij. Yu save folem ol poen ya taem yu stap rerem mo lidim ol Baebol stadi. *

• Ridim ol haf, mo storian long ol kwestin

• Ridim ol vas we oli makem “ridim” mo halpem studen blong i kasemsave olsem wanem blong folem

• Plei mo tokbaot ol video, yusum eni kwestin we i stap

• Long taem blong stadi, traem blong finisim wan lesen

Long wok blong prij, givim buklet fastaem blong luk sipos man i intres. (Luk bokis ya “ ?Olsem Wanem Blong Givimaot Buklet ya !Enjoem Laef Olwe! Long Wok Blong Prij?”) Sipos yutufala i finisim buklet mo studen i wantem gohed moa, yu givim buk mo yu stat long lesen 04. Sipos yu stap stadi wetem wan man long buk ya Tijim Wanem o God i Lavem Yu, i gud yu jenisim i go long buk ya !Enjoem Laef Olwe! mo jusum ples we bambae yutufala i stat long hem.

WAJEM VIDEO YA WELKAM LONG BAEBOL STADI BLONG YU, BIAEN ANSA LONG OL KWESTIN YA:

• ?Ol studen bambae oli lanem wanem long niufala buk ya?

• ?From wanem yu mas soem video ya long ol niufala studen?

• ?Wanem ol step we yu mas gohed blong enkarejem studen blong i putum mo i kasem?—Luk bokis ya “ Fokas Mo Ol Step Blong Wanwan Seksen”