Baebol i givim plante advaes we i save halpem yumi blong dil wetem ol hadtaem long ol las dei ya. (2Ti 3:1, 16, 17) Be, maet samtaem yumi nidim blong faenem sam rul blong Baebol we i stret gud long situesen blong yumi. Eksampol, ?yu yu wan perens we yu stap lukaot advaes blong lukaot gud long pikinini blong yu? ?Yu yu wan yangfala we yu fesem wan samting we i traem bilif blong yu? ?Yu yu wan wido we yu stap harem nogud from hasban o waef blong yu i ded? Yu save faenem plante advaes blong Baebol long jw.org, we bambae oli halpem yu blong dil wetem stret problem we yu fesem mo plante moa situesen.—Pro 2:3-6.

Long fas pej blong jw.org, yu jusum OL BAEBOL TIJING. (Luk pija 1.) Long lis we i stap, yu jusum samting we yu intres long hem. O yu go long LAEBRI > OL HAF WE OLI KAMAOT OLTAEM mo jusum samting we yu intres long hem. (Luk pija 2.) Yu save faenem ol sem samting ya long JW Library ^®. a I sua se bambae yu laekem, nating sipos yu jes lukluk tru nomo. Wan narafala rod blong faenem wan topik we yu laekem, hemia blong go long ples ya “lukaotem” long jw.org.

Taepem ol topik ya long bokis ya “lukaotem,” mo luk ol atikol we bambae yu laekem blong ridim.

• Lukaot long pikinini

• Yangfala we i gat dipresen

• Taem man no woman blong yu i ded