Taem narafala i spolem yumi hemia i save mekem yumi harem nogud long bodi mo filing. Mo tu, sipos yumi fraet taem oli agensem wosip blong yumi, hemia i save afektem frensip blong yumi wetem Jehova. ?Wanem i save givhan long yumi taem narafala i stap spolem yumi?

Plante long ol man blong Jehova oli naf blong stanap strong taem oli dipen long Jehova. (Sam 18:17) Eksampol, Esta i no fraet blong talemaot ol plan blong rabis man ya Haman. (Est 7:1-6) Be bifo we hem i mekem olsem, hem i soemaot se hem i dipen long Jehova taem hem i mekem fasting. (Est 4:14-16) Jehova i blesem mo i protektem Esta wetem ol man blong hem, from ol aksen we hem i tekem.

Ol yangfala, sipos wan man i stap spolem yu, i gud yu askem help long Jehova mo talemaot long wan bigman, eksampol ol perens blong yu. Sipos yu mekem olsem, Jehova bambae i halpem yu olsem we i bin halpem Esta. ?Wanem sam narafala samting we yu save mekem blong dil wetem man we i stap spolem yu?

WAJEM VIDEO YA LAEF BLONG WAN YANGFALA—?MI SAVE MEKEM WANEM SIPOS WAN STRONGHED I STAP SPOLEM MI?, BIAEN ANSA LONG OL KWESTIN YA:

• ?Ol yangfala oli save lanem wanem long eksampol blong Charlie mo Ferin?

  Your answer

• ?Ol perens oli save lanem wanem long ol tok we Charlie mo Ferin i talem?

  Your answer