Gat Pis Wetem Evri Man
Daonlodem:
1. Taem mi aot long haos, mi stap luk ol man oli bisi evri ples.
Mane i sot mo from laef i had oli save kros kwiktaem.
Be mi tingbaot tok blong Jehova se: ‘Yu mas kaen mo soemaot lav.’
So blong mi no kros, mi stap prea long God blong mi save kasem pis.
(KORES)
Yumi lukaot rod blong gat pis oltaem, gat pis wetem evri man.
Yes i tru, samtaem i had, be bambae yu glad. !Bae Jehova i blesem yu!
2. Taem mi go long wok, mi mas rere gud. I gat trabol evri dei.
S’pos wan i kros, i stat blong rao, bae mi traem blong mekem pis.
Mi tingbaot we Baebol i talem se: ‘Traem blong kasemsave long man.’
Yes, maet hem i kros from we hat i brok o from tingting i hevi.
(KORES)
Yumi lukaot rod blong gat pis oltaem, gat pis wetem evri man.
Yes i tru, samtaem i had, be bambae yu glad. !Bae Jehova i blesem yu!
(JOENEM)
Maet samtaem i had blong kaen
Long wan man we i kros oltaem.
So jes prea long God blong askem pis
Blong ‘lukaot gud long hat blong yu.’
3. Mo long wiken tu, mi go prij long man mo mi talemaot gud nius,
Be wan man i kros, i tok strong long mi, mo i wantem statem rao.
Ol advaes blong Baebol i halpem mi blong mi ‘aot bifo i gat rao.’
Mi no givimbak, mi no lusum glad, mi gohed nomo blong prij.
(KORES)
Yumi lukaot rod blong gat pis oltaem, gat pis wetem evri man.
Yes i tru, samtaem i had, be bambae yu glad. !Bae Jehova i blesem yu!
(KORES)
Yumi lukaot rod blong gat pis oltaem, gat pis wetem evri man.
Yes i tru, samtaem i had, be bambae yu glad. !Bae Jehova i blesem yu!
