Daonlodem:

• Ol Not

1. 1. Hae God mo Masta Jehova,

   Yu nao yu haefala King.

   Tangkiu long olgeta samting

   We yu yu stap mekem blong mi.

   Wol ya mo heven i soemaot

   Paoa mo glori blong yu.

   Nating se yu stap long heven,

   Be oltaem yu stap tingbaot mi.

   (KORES)

   Jehova God, plis harem singsing ya.

   Mi mi sing blong presem yu.

   Yu nao yu God. Mi mi bodaon long yu.

   Bae mi presem nem blong yu

   From we glori i blong yu.

2. 2. Mi wantem presem yu Papa.

   Laef ya blong mi i blong yu.

   Mi wantem tokbaot yu oltaem

   Mo leftemap hae nem blong yu.

   Wok we yu givim i tabu.

   Tangkiu blong jusumaot mi.

   Yes, i wan bigfala ona

   Blong talemaot glori blong yu.

   (KORES)

   Jehova God, plis harem singsing ya.

   Mi mi sing blong presem yu.

   Yu nao yu God. Mi mi bodaon long yu.

   Bae mi presem nem blong yu

   From we glori i blong yu.

3. 3. Skae, graon, ol hil, mo solwota

   Oli stap presem yu tu.

   San, mun, ol sta oli soemaot

   Ol gudfala fasin blong yu.

   Yu yu gat waes, yu gat paoa.

   Yu yu gat bigfala lav.

   Taswe mi mas givim glori

   Long yu evri dei, God blong mi.

   (KORES)

   Jehova God, plis harem singsing ya.

   Mi mi sing blong presem yu.

   Yu nao yu God. Mi mi bodaon long yu.

   Bae mi presem nem blong yu

   From we glori i blong yu.