BAPTAES Ol elda long kongregesen nao bambae oli talem olsem wanem blong mekem baptaes folem situesen blong wanwan ples. Baptaes bambae i hapen afta long program blong Sarede moning.

PRESEN MANE Asembli ya oli transletem long bitim 400 lanwis. Presen mane we yu givim i givhan blong sapotem wok ya we i hapen long fulwol. Yu save givim presen mane tru long intenet. Blong mekem olsem, yu go long donate.pr418.com. Tangkiu from ol presen mane we yufala i givim. Hed Kampani i wantem talem tangkiu tumas long yufala from yufala i gohed blong stap sapotem wok blong Kingdom.

SKUL BLONG KINGDOM IVANJELIS Ol paenia we oli gat 23 kasem 65 yia mo oli wantem mekem moa long wok blong Jehova, oli save kontaktem sekretari blong kongregesen blong olgeta mo fulumap aplikesen blong olgeta long intenet blong oli save go long Skul Blong Kingdom Ivanjelis.