LESEN 28
Soemaot Tangkiu From Samting We Jehova Mo Jisas i Mekem
?Yu yu harem olsem wanem taem wan fren i givim wan naesfala presen long yu? Ating bae yu glad tumas mo yu wantem soemaot long fren blong yu se yu laekem presen ya. Jehova mo Jisas i givim beswan presen long yumi. ?Wanem presen ya? ?Mo olsem wanem yumi save soemaot tangkiu from?
1. ?Yumi save mekem wanem blong soem tangkiu long God mo Kraes?
Baebol i promes se: “olgeta man we oli soemaot se oli bilif long [Jisas]” oli save laef olwe. (Jon 3:16) ?Soemaot bilif i minim wanem? I min se yumi no bilif nomo, be yumi soemaot tu long ol jus mo ol aksen blong yumi. (Jemes 2:17) Taem yumi soemaot bilif tru long ol toktok mo aksen blong yumi, bae yumi fren moa wetem Jisas mo Papa blong hem Jehova.—Ridim Jon 14:21.
2. ?Wanem impoten taem we yumi save soemaot tangkiu?
Long naet bifo we Jisas i ded, hem i tokbaot wan narafala rod blong soem tangkiu from sakrefaes blong hem. Hem i askem ol man blong hem blong joen tugeta long wan spesel taem, we Baebol i singaot se “Kakae Blong Masta,” o Memoriol blong ded blong Kraes. (1 Korin 11:20) Jisas i wantem se ol aposol mo evri Kristin oli tingbaot se hem i givim laef blong hem from yumi. Hem i tokbaot kakae ya, i se: “Yufala i mas gohed blong mekem samting ya oltaem blong tingbaot mi.” (Luk 22:19) Taem yumi go long Memoriol, yumi soem tangkiu from bigfala lav we Jehova mo Jisas i gat long yumi.
DIGIM MOA
Faenemaot sam narafala rod blong soem tangkiu from bigfala lav blong Jehova mo Jisas. Mo lanem from wanem Memoriol blong ded blong Kraes i impoten tumas.
3. ?Yumi save mekem wanem blong soem tangkiu?
Tingbaot se yu stap draon, nao wan man i kam sevem yu. ?Bambae yu fogetem samting we man ya i mekem? ?O bambae yu traem faenem sam rod blong soem tangkiu long hem?
Jehova nao i sevem laef blong yumi. Ridim 1 Jon 4:8-10, mo tokbaot ol kwestin ya:
-
?From wanem sakrefaes blong Jisas i spesel?
-
?Wanem filim blong yu taem yu save se Jehova mo Jisas i sevem yu?
?Olsem wanem blong soemaot tangkiu from samting we Jehova mo Jisas i mekem long yumi? Ridim 2 Korin 5:15 mo 1 Jon 4:11; 5:3 mo askem sem kwestin we i stap, afta we yu ridim wanwan vas:
-
?Folem vas ya, yumi save mekem wanem blong soem tangkiu?
4. Eksampol blong Jisas
Wan narafala rod blong soem tangkiu, hemia taem yumi folem eksampol blong Jisas. Ridim 1 Pita 2:21, mo tokbaot kwestin ya:
-
?Olsem wanem yu save folem trak blong leg blong Jisas?
Jisas i lavem Tok blong God, i talemaot gud nius, mo i halpem ol narafala
5. Joen long Memoriol blong ded blong Kraes
Blong faenemaot wanem i hapen long faswan Kakae Blong Masta, ridim Luk 22:14, 19, 20. Biaen tokbaot ol kwestin ya:
-
?Oli mekem Kakae Blong Masta olsem wanem?
-
?Waen long kap mo bred oli pija blong wanem? —Luk vas 19 mo 20.
Jisas i wantem se ol disaepol blong hem oli gohed blong mekem Memoriol evri yia, long aniveseri blong ded blong hem. Taswe, evri yia ol Witnes blong Jehova oli joen tugeta blong tingbaot ded blong Kraes, olsem we hem i talem. Blong save moa long saed blong impoten miting ya, plei VIDEO. Biaen tokbaot kwestin ya.
-
?Oli mekem Memoriol olsem wanem?
Mining blong bred mo waen. Bred i pija blong bodi blong Jisas we i stret gud olgeta mo we i givim olsem wan sakrefaes. Waen i pija blong blad blong hem
SAM MAN OLI SE: “Sipos yu bilif nomo long Jisas, bae yu kasem laef.”
-
?Olsem wanem yu save yusum Jon 3:16 mo Jemes 2:17 blong soem se hemia i no naf?
SAMARI
Yumi tangkiu long Jisas, taem yumi soemaot bilif long hem mo yumi joen long Memoriol.
Tingtingbak
-
?Soemaot bilif long Jisas i minim wanem?
-
?Yu save mekem wanem blong soem tangkiu long Jehova mo Jisas?
-
?From wanem i impoten blong go long Memoriol blong ded blong Kraes?
FAENEMAOT
?Ded blong Kraes i pulum yumi blong mekem wanem?
Lanem moa long saed blong bilif mo olsem wanem blong soemaot bilif ya.
“Mekem Wok We i Soemaot Bilif Long Ol Promes Blong God” (Wajtaoa, Oktoba 2016)
Ridim stori ya “I Feel Clean, Alive, and Whole,” blong luk olsem wanem laef blong wan woman i kamgud moa, taem hem i kasemsave mining blong sakrefaes blong Kraes.
“The Bible Changes Lives” (Wajtaoa, 1 Ogis 2011)
Makem from wanem smol man nomo oli kakae bred mo waen long taem blong Memoriol.
“?From Wanem Ol Witnes Blong Jehova Oli Mekem Lodsapa i Defren Long Ol Narafala Jos?” (Web atikol)
Maet Yu Laekem Hemia Tu
KWESTIN WE PLANTE MAN OLI STAP ASKEM
Baebol Stadi Kos We Yu Save Mekem Wetem Ol Witnes Blong Jehova
Yu save yusum eni translesen blong Baebol blong mekem wan fri Baebol stadi kos wetem ol Witnes blong Jehova. Singaot ol famle mo ol fren tu blong oli joen wetem yu.
