LESEN 55
Sapotem Kongregesen Blong Yu
Long fulwol i gat plante milian man oli glad blong wosipim Jehova long plante taosen kongregesen. Oli glad long ol tijing mo advaes we oli kasem mo oli wantem tumas blong sapotem kongregesen long plante rod. ?Yu yu gat sem filing olsem long kongregesen blong yu?
1. ?Olsem wanem blong yusum taem mo paoa blong yumi blong sapotem kongregesen?
Yumi evriwan i save givhan insaed long kongregesen. Eksampol, ?long kongregesen blong yu i gat ol olfala o olgeta we oli no strong? ?Yu save halpem olgeta blong go long miting? O maet ?yu save halpem olgeta blong go pem samting long stoa o klinim haos blong olgeta? (Ridim Jemes 1:27.) Yumi save volontia blong klinim mo mentenem Haos Kingdom blong yumi. I nogat wan man i fosem yumi blong mekem ol samting ya. Lav we yumi gat long God mo ol brata blong yumi, i pusum yumi blong yumi “glad nomo blong kam joen.”—Ol Sam 110:3.
Ol Witnes we oli baptaes oli save sapotem kongregesen long sam narafala rod tu. Ol brata we oli bigman long spirit oli save wok olsem man blong givhan mo afta oli save kam ol elda. Ol brata mo sista oli save sapotem wok blong prij olsem ol paenia. Sam Witnes oli save givhan blong bildim ol haos wosip o go long wan ples we kongregesen i nidim sam help.
2. ?Olsem wanem blong yusum olting blong yumi blong sapotem kongregesen?
Yumi save “givim ol gudgudfala samting blong [yumi] long Jehova blong ona long hem.” (Ol Proveb 3:9) Yumi glad blong givim mane mo ol narafala samting we yumi gat blong sapotem kongregesen blong yumi mo wok blong prij long fulwol. (Ridim 2 Korin 9:7.) Mo tu, ol presen mane we yumi givim, i sapotem wok blong disasta rilif. Plante oli plan blong “putum sam samting i stap” olsem donesen blong oli givim evri manis. (Ridim 1 Korin 16:2.) Yumi save putum presen mane long ol bokis blong kontribusen long ples blong wosip blong yumi o mekem long intenet tru long donate.pr418.com. Jehova i wantem se yumi soem lav blong yumi long hem taem yumi jusum blong givim ol ting blong yumi.
DIGIM MOA
Makem ol defdefren samting we yu save mekem blong sapotem kongregesen.
3. Yumi save yusum ol samting we yumi gat
Jehova mo Jisas i glad long ol man we oli givim samting long glad hat blong olgeta. Eksampol, Jisas i luksave wan pua wido we i traehad blong givim kontribusen. Ridim Luk 21:1-4, mo tokbaot ol kwestin ya:
-
?Yumi mas givim bigfala mane blong mekem Jehova i glad?
-
?Jehova mo Jisas i harem olsem wanem taem yumi givim samting long glad hat?
Blong save olsem wanem oli yusum ol presen mane blong yumi, plei VIDEO. Biaen tokbaot kwestin ya.
-
?Olsem wanem presen mane i givhan long ol kongregesen long fulwol?
4. Yumi save volontia blong givhan
Long Baebol, ol man blong Jehova oli wok strong blong mentenem ples blong wosip blong olgeta. Mo hemia i no minim nomo se oli givim mane. Ridim 2 Kronikel 34:9-11, mo tokbaot kwestin ya:
-
?Olsem wanem evri man Isrel oli givhan long haos blong Jehova o haos wosip?
Blong luk olsem wanem ol Witnes blong Jehova oli folem eksampol ya blong olgeta bifo, plei VIDEO. Biaen tokbaot ol kwestin ya.
-
?From wanem i impoten blong kipim Haos Kingdom i klin mo fiksimap gud ol samting?
-
?Wanem sam samting we yu save mekem blong givhan?
5. Ol brata oli save traehad blong kasem moa wok
Baebol i enkarejem ol Kristin man blong traehad blong kasem sam wok blong sapotem kongregesen. Blong luk wan eksampol, plei VIDEO. Biaen tokbaot kwestin ya.
-
Long video, ?olsem wanem Ryan i traehad blong kasem wok blong sapotem kongregesen moa?
Baebol i tokbaot ol mak we ol brata we oli wantem kam man blong givhan mo elda oli mas kasem. Ridim 1 Timoti 3:1-13, mo tokbaot ol kwestin ya:
MAET MAN I ASKEM SE: “?Olsem wanem ol Witnes blong Jehova oli kasem mane blong mekem wok blong olgeta?”
-
?Bambae yu ansa olsem wanem?
SAMARI
Jehova i glad tumas taem yumi yusum taem, paoa, mo olting blong yumi blong sapotem kongregesen.
Tingtingbak
-
?Olsem wanem yumi save yusum taem mo paoa blong yumi blong sapotem kongregesen?
-
?Olsem wanem yumi save givim olting blong yumi blong sapotem kongregesen?
-
?Yu yu wantem mekem wanem blong sapotem kongregesen?
FAENEMAOT
Makem from wanem God i no moa askem ol man blong hem blong givim taet.
“?Baebol i Talem Wanem Long Fasin Blong Givim Taet?” (Web atikol)
Baebol i tokbaot sam wok we ol man we oli baptaes nao oli mas mekem. ?Be olsem wanem sipos wan woman we i baptaes i mas mekem ol wok ya?.
“Kasemsave Long Otoriti Blong Elda Long Kongregesen” (Wajtaoa, Februari 2021)
Luk sam Witnes we oli gat strong tingting blong transpotem ol buk mo magasin long ol brata sista blong olgeta.
Faenemaot olsem wanem fasin blong yumi blong kasem mane blong mekem wok blong yumi, i defren long ol narafala relijen
“?Ol Witnes Blong Jehova Oli Kasem Mane Olsem Wanem?” (Web atikol)
Maet Yu Laekem Hemia Tu
KWESTIN WE PLANTE MAN OLI STAP ASKEM
Baebol Stadi Kos We Yu Save Mekem Wetem Ol Witnes Blong Jehova
Yu save yusum eni translesen blong Baebol blong mekem wan fri Baebol stadi kos wetem ol Witnes blong Jehova. Singaot ol famle mo ol fren tu blong oli joen wetem yu.
