?Yu save mekem wanem blong Baebol kos ya i givhan long yu?
Luk tru long tingtingbak ya mo biaen plei VIDEO.
FAS SEKSEN
Blong rerem wanwan lesen, ridim ol faswan paragraf mo ol kwestin long bold raeting (A) mo ol vas (B) we oli makem ol men poen. I gat sam vas we oli makem se “ridim,” hemia i blong studen mo tija i ridim tugeta.
NAMBATU SEKSEN
Fastok (C) haf ya Digim Moa i eksplenem ol tingting we i kam biaen. Ol smol taetel (D) oli introdiusum ol men poen. Joen wetem tija blong ridim ol vas, ansarem ol kwestin, wajem ol video.
VIDEO we i stap, i givim moa save long saed blong ol haf we i stap. Sam video oli soem ol trufala stori. Mo ol narawan, hemia ol stori we oli aktem nomo be oli soemaot ol trufala samting we oli stap hapen long laef.
Luklukgud ol pija wetem ol toktok blong olgeta (E), mo tingbaot olsem wanem blong ansa long haf ya Sam Man Oli Se (F).
LASWAN SEKSEN
Samari mo Tingtingbak (G) i blong endem lesen ya. Raetem det we lesen i finis long hem. Nekis Step (H) hemia i wan mak we yu mas wok long hem blong gohed blong lanem samting. Faenemaot (I) hem i givim ol nara infomesen we yu save go long hem blong ridim mo wajem.
?Olsem wanem blong faenem ol vas long Baebol?
I gat 66 smol buk long Baebol. Hem i seraot long tu haf: Hibru-Arameik Haf (“Oltesteman”) mo Grik Haf (“Niutesteman”).
Taem oli tokbaot wan vas long buk ya, oltaem oli stat wetem nem blong buk long Baebol (A), biaen japta (B), mo vas (C).
Eksampol, Jon 17:3 i minim buk blong Jon, japta 17, vas 3.
Maet Yu Laekem Hemia Tu
KWESTIN WE PLANTE MAN OLI STAP ASKEM
Baebol Stadi Kos We Yu Save Mekem Wetem Ol Witnes Blong Jehova
Yu save yusum eni translesen blong Baebol blong mekem wan fri Baebol stadi kos wetem ol Witnes blong Jehova. Singaot ol famle mo ol fren tu blong oli joen wetem yu.
