Fastok Blong Haf 12
Jisas i tijim ol man long saed blong Kingdom blong God. Hem i tijim olgeta blong oli prea se nem blong God i tabu, Kingdom i kam, mo samting we God i wantem i kamtru long wol ya. Sipos yu gat pikinini, yu eksplenem mining blong prea ya long hem. Jisas i no letem Setan i pulum hem blong i lego Jehova. Jisas i jusum ol aposol blong hem, mo olgeta nao oli kam ol faswan long Kingdom. Makem gud strong tingting we Jisas i gat blong mekem tru wosip. Jisas i wantem givhan long ol man, taswe hem i tekemaot ol sik blong olgeta, i givim kakae long olgeta, mo i mekem dedman i laef bakegen. Ol merikel ya oli soemaot samting we Kingdom bambae i mekem long olgeta man.
LONG HAF YA
STORI 75
Setan i Traem Jisas
Setan i traem Jisas tri taem. ?Setan i talem wanem blong traem hem? ?Jisas i ansa olsem wanem?
STORI 76
Jisas i Ronemaot Ol Man Long Haos Blong God
?From wanem Jisas i ronemaot ol anamol long haos blong God mo kafsaedem ol tebel blong ol man blong jenisim mane?
STORI 77
Woman We i Pulum Wota Long Wel
Taem Jisas i toktok long woman Sameria long wel blong Jekob, woman ya i sek. ?From wanem? ?Jisas i talem wanem we hem i neva talemaot bifo?
STORI 78
Jisas i Talemaot Gud Nius Blong Kingdom
Jisas i singaot sam disaepol blong hem blong oli “kam man blong pulum man.” Biaen, hem i trenem 70 man blong hem blong oli prij mo talemaot gud nius.
STORI 79
Jisas i Mekem Plante Merikel
Weples Jisas i go, ol sikman oli kam lukaotem hem blong i tekemaot sik blong olgeta. Hem i mekem wan smol gel i laef bakegen tu.
STORI 80
Jisas i Jusumaot 12 Aposol
?Hem i jusumaot olgeta blong oli mekem wanem? ?Yu yu tingbaot ol nem blong olgeta?
STORI 82
Jisas i Tijim Ol Disaepol Blong Oli Prea
?Wanem ol samting we Jisas i talem long ol disaepol blong oli gohed blong askem?
STORI 83
Jisas i Givim Kakae Long Plante Taosen Man
?Merikel ya i soemaot wanem long saed blong Jisas mo Jehova?
STORI 84
Jisas i Wokbaot Antap Long Solwota
?Yu ting se ol aposol oli harem olsem wanem taem oli luk merikel ya?
STORI 85
Jisas i Mekem Man i Kam Gud Long Sabat Dei
?From wanem samfala oli no glad long samting we hem i mekem?
STORI 86
Jisas i Mekem Lasaros i Laef Bakegen
Taem Jisas i luk we Meri i krae, hem tu i krae. Be i no longtaem, sore ya i kam glad.