Leftemap Tingting
?From wanem i impoten we ol man blong God oli lefleftemap tingting blong olgeta?
Aes 35:3, 4; Kol 3:16; 1Te 5:11; Hib 3:13
-
Ol stori long Baebol:
-
2Kr 32:2-8—King Hesekia i leftemap tingting blong ol man blong hem taem ol enemi oli kam blong atakem olgeta
-
Da 10:2, 8-11, 18, 19—Taem profet Daniel i kam olfala mo i no moa gat paoa, wan enjel i leftemap tingting blong hem mo i mekem hem i strong bakegen
-
?Jehova i wantem se ol elda oli leftemap tingting blong ol narafala olsem wanem?
Yu save luk Mt 11:28-30
-
Ol stori long Baebol:
-
Du 3:28; 31:7, 8—Jehova i talem long profet Moses blong i leftemap tingting blong Josua mo i mekem hem i strong, blong i tekem ples blong hem
-
Wok 11:22-26; 14:22—Taem ol Kristin long Antiok oli fesem fasin agens, Pol mo Banabas i leftemap tingting blong olgeta
-
Taem yumi talem ol gudfala tok long narafala, ?olsem wanem hemia i save leftemap tingting blong hem?
-
Ol stori long Baebol:
-
Ja 11:37-40—Evri yia ol woman Isrel oli stap visitim gel blong Jeftaha mo talem ol gudfala toktok long hem from desisen we hem i mekem
-
Re 2:1-4—Nating se Jisas i mas stretem ol Kristin long Efesas, be hem i talem ol gudfala toktok tu long olgeta from ol samting we oli stap mekem
-
?Olsem wanem ol man blong Jehova oli save lefleftemap tingting blong olgeta?
Pro 15:23; Ef 4:29; Fil 1:13, 14; Kol 4:6; 1Te 5:14
Yu save luk 2Ko 7:13, 15, 16
-
Ol stori long Baebol:
-
1Sa 23:16-18—Taem Deved i fesem hadtaem, fren blong hem Jonatan i go lukaotem hem blong leftemap tingting blong hem
-
Jon 16:33—Eksampol blong Jisas blong winim wol ya, i leftemap tingting blong ol disaepol blong olgeta tu oli save mekem sem mak
-
Wok 28:14-16—Taem aposol Pol i stap go long Rom blong pas long kot, sam brata oli wokbaot longwe blong kam leftemap tingting blong hem, mo hemia i mekem tingting blong Pol i strong
-
?From wanem yumi mas blokem fasin blong komplen mo no gat respek?
-
Ol stori long Baebol:
-
Na 11:10-15—Taem ol man oli komplen tumas mo oli no wantem obei, tingting blong profet Moses i foldaon bigwan
-
Na 13:31, 32; 14:2-6—Ol nogud tok we ol ten spae oli talem i mekem tingting blong ol man i foldaon, nao oli rebel
-
Taem yumi joen wetem ol brata mo sista, ?olsem wanem hemia i leftemap tingting blong yumi?
Pro 27:17; Ro 1:11, 12; Hib 10:24, 25; 12:12
-
Ol stori long Baebol:
-
2Kr 20:1-19—Taem wan bigfala ami i kam blong atakem Juda, King Jehosafat i singaot ol man oli kam wanples blong oli prea
-
Wok 12:1-5, 12-17—Afta we oli kilim aposol Jemes i ded mo oli putum aposol Pita long kalabus, ol brata mo sista long Jerusalem oli joen wanples blong prea
-
Taem yumi fesem hadtaem, ?olsem wanem positif tingting i save givhan long yumi blong stanap strong?
Wok 5:40, 41; Ro 8:35-39; 1Ko 4:11-13; 2Ko 4:16-18; 1Pi 1:6, 7
-
Ol stori long Baebol:
-
Je 39:19-23; 40:1-8—Nating se Josef i go long kalabus from samting we hem i no mekem, be hem i gohed blong holemstrong long God mo i wantem tumas blong halpem narafala
-
2Ki 6:15-17—Profet Elisa i no fraet nating taem ol ami oli kam blong faet agensem hem, mo i prea blong man we i stap givhan long hem tu i no fraet
-
Baebol i save leftemap tingting blong yumi
?Olsem wanem Jehova i promes blong givhan long yumi?
Taem yumi tingbaot se Jehova i gat longfala tingting mo sore, ?olsem wanem hemia i leftemap tingting blong yumi?
?Olsem wanem Jehova i stap givhan long olgeta we oli no gat paoa?
Sam 46:1; Aes 12:2; 40:29-31; Fil 4:13
-
Ol stori long Baebol:
-
1Sa 1:10, 11, 17, 18—Taem Hana i harem nogud tumas, hem i prea, nao Jehova i givim paoa long hem mo i mekem hem i harem gud bakegen
-
1Ki 19:1-19—Taem tingting blong Elaejah i foldaon, Jehova i givim samting we hem i nidim. Mo tu, Hem i leftemap tingting blong Elaejah taem i tokbaot ol gudfala samting we bambae oli hapen long fiuja
-
?Olsem wanem hop we i stap long Baebol i save leftemap tingting blong yumi?
2Kr 15:7; Sam 27:13, 14; Hib 6:17-19; 12:2
-
Ol stori long Baebol:
-
Job 14:1, 2, 7-9, 13-15—Taem tingting blong Job i foldaon, hop blong laef bakegen i leftemap tingting blong hem
-
Da 12:13—Taem profet Daniel i gat samwe 100 yia, wan enjel i kam leftemap tingting blong hem, taem i talemaot ol blesing we bambae hem i kasem long fiuja
-
Taem yumi prea mo tingting dip long ol save blong Jehova, ?olsem wanem hemia i leftemap tingting blong yumi?
-
Ol stori long Baebol:
-
1Sa 30:1-9—Taem King Deved i fesem ol hadtaem, hem i prea long Jehova, nao Jehova i givim paoa long hem
-
Lu 22:39-43—Taem Jisas i fesem wan traem we i had moa, hem i plis long Jehova blong i givhan long hem, nao Jehova i sanem wan enjel blong i leftemap tingting blong hem
-
?Olsem wanem ol gudfala ripot we yumi harem i save leftemap tingting blong yumi? ?From wanem i gud blong serem ol ripot ya wetem ol narafala?
-
Ol stori long Baebol:
-
Wok 15:2-4—Taem aposol Pol mo Banabas i visitim ol kongregesen, samting we tufala i talem i leftemap tingting blong ol brata mo sista
-
3Jo 1-4—Taem aposol Jon i kam olfala mo i luk se olgeta we hem i bin givhan long olgeta oli stap gohed gud, hemia i rili leftemap tingting blong hem
-