Stadi 16
Tokbaot Ol Samting We i Leftemap Tingting
Job 16:5
?I MINIM WANEM? I nogud yu tokbaot tumas ol trabol. I moa gud yu tokbaot ol samting we oli givhan blong winim trabol, mo mekem tingting blong ol man i strong.
?OLSEM WANEM BLONG MEKEM?
-
Gat gudfala tingting long ol man. Yu mas trastem ol brata mo sista se oli wantem mekem Jehova i glad. Nating se samtaem yu mas givim advaes o tok stret, be fastaem yu mas lukaot evri janis blong presem olgeta.
-
No tokbaot tumas ol nogud samting. Yu save tokbaot sam nogud samting sipos i gat wan gudfala risen. Be ol man oli mas harem se tok blong yu i leftemap tingting.
-
Yusum Baebol oltaem. Tokbaot ol samting we Jehova i mekem finis, i stap mekem naoia, mo bambae i mekem long fiuja blong givhan long ol man. Leftemap tingting blong ol man mo givim hop long olgeta.
