Plante Milian Spirit
Baebol i talem se i gat plante spirit. Jehova, i wan spirit.—Jon 4:24; 2 Korin 3:17, 18.
Fastaem Jehova i stap hem wan, i no gat narafala man. Afta, hem i mekem sam narafala spirit we oli enjel. Oli gat moa paoa mo oli waes moa i bitim ol man long wol. Jehova i wokem fulap enjel. Long wan vison, Daniel, wan man blong God bifo, i luk wan handred milian enjel.—Daniel 7:10; Hibrus 1:7.
God i mekem ol enjel ya bifo we hem i mekem wol. (Job 38:4-7) I no gat wan long olgeta we fastaem hem i laef long wol, nao biaen hem i ded.