Iv i lesin long snek mo i kakae frut blong tri ya. Biaen, hem i givim frut ya long Adam, mo Adam tu i kakae.

Samting ya we tufala i mekem i rong. Tufala i mekem sin agens long God. God i putumaot tufala long Paradaes.

Laef blong tufala mo laef blong ol pikinini blong tufala i had. Tufala i kam olfala mo tufala i ded. Tufala i no go laef samples afta we tufala i ded. Laef blong tufala i finis.

Olgeta man oli ded from we oli kamaot long Adam mo Iv. Ol dedman oli no save lukluk, oli no save harem samting, mo oli no save mekem wan samting.—Prija 9:5, 10.

Jehova i no wantem we ol man oli ded. I no longtaem, bambae hem i mekem ol man we oli slip long beregraon oli laef bakegen. Sipos oli lesin long hem, bambae oli save laef olwe.