PART 11
?Jehova i Stap Harem Ol Prea Blong Yumi?
God i stap harem ol prea blong yumi. 1 Pita 3:12
Jehova i ‘stap ansa long prea’ blong man. (Ol Sam 65:2) Hem i wantem se ol tok we yumi talem long hem oli kamaot long hat blong yumi.
Yu mas prea long Jehova nomo, i no long wan narafala man bakegen.
1 Jon 5:14
I gat plante samting we yumi save tokbaot taem yumi prea.Taem yu prea, i gud yu askem long God, blong hem i mekem ol samting we hem i wantem oli kamaot long heven mo long wol.
Yu save askem long Jehova blong i givhan long yu blong mekem samting we i gud. Yu save prea tu long saed blong kakae, wok, haos, klos, mo sik.
Yu mas prea long nem blong Jisas blong soemaot se yu tinghae long wanem we hem i mekem blong sevem yu.