Catholic News Service i talem se long wan seremoni long St. Peter’s Basilica long 25 Maj 2022, Pop Francis i stanap long fored blong wan aedol blong Meri, i “klosem ae mo benem hed blong hem mo i prea long tingting blong hem.” Hem i “plis long Meri” blong i mekem pis. Vatican News i talem se: “Pop i prea long fored blong aedol blong Meri we hat i stap long jes blong hem, blong putum Rasia mo Yukren long han blong hem.”

 ?Wanem tingting blong yu? ?I stret blong prea long fored blong ol aedol mo yusum olgeta blong mekem wosip? Traem tingbaot ol vas ya long Baebol:

•   “Yu no mas katem pija mo sep blong eni samting we i stap antap long heven, no long wol, no long ol wota long wol. Yu no mas bodaon long olgeta, mo yu no mas letem oli pulum yu blong mekem wosip long olgeta, from we mi Jehova, mi God blong yufala, mo mi wantem se ol man blong mi oli wosipim mi nomo.”—Eksodas 20:4, 5. a

•   “Ol aedol blong olgeta, oli silva mo gol, we man nomo i mekem long han blong hem. Oli gat maot, be oli no save toktok, oli gat ae, be oli no save lukluk, oli gat sora, be oli no save harem samting, oli gat nus, be oli no save smelem samting, oli gat han, be oli no save holem samting, oli gat leg, be oli no save wokbaot, oli no mekem noes nating long trot blong olgeta. Ol man we oli mekem olgeta, bambae oli kam sem mak olsem olgeta, mo olgeta ya tu we oli trastem ol aedol ya, bambae oli kam olsem olgeta.”—Ol Sam 115:4-8.

•   “Mi mi Jehova. Hemia nem blong mi. Mi no save serem haenem blong mi long narafala, mo mi no save letem wosip blong mi, i go long ol aedol.”—Aesea 42:8, futnot.

•   “Ronwe long fasin ya blong wosipim ol aedol.”—1 Korin 10:14.

•   “Stap longwe long ol aedol.”—1 Jon 5:21.

 Blong kasem moa save long samting we Baebol i talem long saed blong wosip blong ol aedol, ridim atikol ya long Inglis, “The Bible’s Viewpoint—Images” o wajem video ya ?God i Glad Long Fasin Blong Yusum Aedol Long Wosip?

 Maet yu wantem save tu, samting we Baebol i talem long ol topik ya:

•   “Meri ?Baebol i Talem Wanem Long Saed Blong Hem?”

•   “?Yu Yu Mas Prea i Go Long Meri?”

•   “Miracles and Apparitions—Signs From God?”

•   “Pis Long Wol ?Olsem Wanem Bambae i Kamtru?”

Photo credit: Vincenzo Pinto/AFP via Getty Images