Samting Blong Famle i Tokbaot

?Wanem Samting We i No Stret Long Pija Ya?

Yu traem lukluk pija A mo pija B. ?Wanem trifala samting we oli defren long tufala pija ya? Yu save raetem ansa blong yu long ol laen we oli stap. Blong mekem se tufala pija ya oli stret, yu save putum ol kala long tufala.

SAVE BLONG HALPEM YU: Yu ridim Eksodas 25:10-22.

1. ․․․․․

2. ․․․․․

3. ․․․․․

4. ?Weswan long tufala pija ya i stret, pija A no pija B?

BLONG TOKBAOT:

?Bokis ya we i Saen blong Promes blong Hae God i gat wanem mining long tingting blong ol man Isrel?

SAVE BLONG HALPEM YU: Yu ridim Eksodas 25:22 mo Levitikas 16:2.

Nomata se Bokis ya i stap wetem olgeta, ?oli mas mekem wanem samting we i moa impoten?

SAVE BLONG HALPEM YU: Yu ridim Josua 7:1-6, 11, 12.

Sipos yu wantem mekem papa mama blong yu mo Jehova oli glad, ?from wanem i impoten we yu obei long olgeta?

SAVE BLONG HALPEM YU: Yu ridim 1 Samuel 15:22, 23; Efesas 6:1-3.

SAMTING WE FAMLE I SAVE MEKEM:

I gud we evriwan long famle oli lukaot save long saed blong Bokis ya we i Saen blong Promes blong Hae God. Nao yufala i kam wanples blong tokbaot samting we yufala i faenemaot. Maet yufala i lukaot ol save olsem: ?Taem ol yia oli pas, oli putum wanem insaed long Bokis ya? Ale yufala i save droem ol samting ya, mo tokbaot from wanem oli impoten.

SAVE BLONG HALPEM YUFALA: Yufala i ridim Hibrus 9:4.

?Oli karem Bokis ya olsem wanem? Taem Deved i no obei long ol tok blong Jehova long saed blong stret rod blong karem Bokis ya, ?wanem i hapen?

SAVE BLONG HALPEM YUFALA: Yufala i ridim Eksodas 37:5; 1 Kronikel 13:7, 9-14; 15:12-15.

 Yu Putum Gud i Stap Mo Yu Lanem Samting From

Yu katemaot mo benem long tu haf, mo yu putum gud

BAEBOL KAD 3 RUT

OL KWESTIN

A. Yu finisim toktok we Rut i talem long Nomi se: “Ol man ples blong yu bambae . . . ”

B. ?Rut i mekem wanem blong soemaot gudfala eksampol long olgeta we oli lukaot long sikman no olfala?

C. Yu fulumap ol emti spes. Rut i mared long _________ mo i kam bubu woman blong _________ mo ________.

[Chart]

4026 B.K.T. 1 K.T. 98 K.T.

God i mekem Hem i laef samwe Oli raetem las buk

Adam long ol yia 1200 B.K.T. blong Baebol

[Map]

Hem i lego Moab mo i muv i go long Betlehem

MOAB

Betlehem

RUT

?HEM I HU?

Hem i wan wido woman blong Moab we i wosipim Jehova. Hem i lukaot long Nomi, olfala mama blong man blong hem. Rut i lavem Nomi tumas, mo hem i gat strong tingting blong mekem wosip long Jehova. Taswe hem i naf blong lego kantri blong hem mo muv i go long taon ya Betlehem. Ol narafala oli talem long Nomi se: “Sipos yu gat seven pikinini boe blong yu blong givhan long yu, be bambae oli no save givhan gud long yu, olsem we woman ya i mekem.”​—Rut 4:​14, 15.

OL ANSA

A. “. . . oli man ples blong mi, mo God blong yu bambae i God blong mi.”​—Rut 1:⁠16.

B. Rut i no tingbaot hem wan nomo, mo hem i wok had.​—Rut 2:​7, 10-12, 17; 3:⁠11.

C. Boas, King Deved, Jisas Kraes.—Matiu 1:​5, 6, 16.

BAEBOL KAD 4 ESTA

OL KWESTIN

A. ?Esta i kam kwin long ples blong hu?

B. Yu finisim toktok ya blong Baebol: “Ol man we oli luk hem oli . . . ”

C. Yu fulumap ol emti spes. Nem blong Esta long lanwis Hibru, hemia ________ mo bigfala kasen brata blong hem we i adoptem hem, hemia ________.

[Chart]

4026 B.K.T. 1 K.T. 98 K.T.

God i mekem Hem i laef samwe Oli raetem las

Adam long ol yia 400 B.K.T. buk blong Baebol

[Map]

Esta i stap long taon ya Susa we Media mo Pesia i rulum

MEDIA

Susa

PESIA

ESTA

?HEM I HU?

Hem i wan gel we papa mama blong hem tufala i ded, nao hem i kam woman blong Sekses we hem i king blong Pesia. Esta i putum laef blong hem long denja blong go luk king, blong talemaot wan plan we wan man i mekem blong kilim evri man Jiu i ded. (Esta 4:​11, 15, 16) Fasin blong Esta blong no fraet, wetem waes fasin blong hem blong toktok mo blong obei, oli moa impoten i winim naes bodi mo fes blong hem.​—Esta 2:7; 1 Pita 3: 1-5.

OL ANSA

A. Vasti.​—Esta 1:12; 2:​16, 17.

B. “. . . laekem hem tumas.”​—Esta 2:⁠15.

C. Hadasa (we i minim flaoa ya myrtle), Modekae​—Esta 2:⁠7.

BAEBOL KAD 5 EBRAHAM

OL KWESTIN

A. ?Ebraham i gat hamas yia taem pikinini blong hem Aesak, i bon?

B. ?Jehova i mekem wanem promes long Ebraham?

C. Yu fulumap ol emti spes. From we Ebraham i gat bigfala bilif mo i mekem plante wok, ol man oli singaot hem se ․․․․․.

[Chart]

4026 B.K.T. 1 K.T. 98 K.T.

God i mekem Hem i laef samwe Oli raetem las

Adam long ol yia 1900 B.K.T. buk blong Baebol

[Map]

Hem i aot long taon ya Uru blong go long kantri ya Kenan

Uru

Haran

KENAN

EBRAHAM

?HEM I HU?

Hem i wan man we i bilif strong long God. Hem i lego rij taon ya Uru blong mekem samting we Jehova i wantem, nating se hem i no save ples ya we bambae i go long hem. (Hibrus 11:​8-10) Oltaem hem i talem long ol pikinini blong hem “blong oli mekem ol fasin nomo we oli stret mo oli gud.” (Jenesis 18:19) Baebol i singaot hem se ‘stamba blong olgeta we oli bilif long God.’​—Rom 4:⁠11.

OL ANSA

A. 100 yia.​—Jenesis 21:⁠5.

B. Wan man long laen blong hem bambae i blesem ol man blong olgeta kantri blong wol.​—Ol Wok 3:⁠25.

C. “Fren blong God.”​—Jemes 2:​21-24.

BAEBOL KAD 6 EBEL

OL KWESTIN

A. ?Hu i kilim Ebel i ded?

B. ?Wanem tingting blong Jehova long saed blong Ebel mo sakrefaes blong hem?

C. Yu fulumap ol emti spes. Wok blong Ebel, hemia ________.

[Chart]

4026 B.K.T. 1 K.T. 98 K.T.

God i mekem Hem i laef samwe Oli raetem las

Adam long ol yia 3900 B.K.T. buk blong Baebol

[Mape]

?Garen blong Iden?

Hem i laef afsaed long garen blong Iden

EBEL

?HEM I HU?

Hem i namba tu pikinini boe blong Adam mo Iv. Hem i fas man blong bilif we Baebol i tokbaot. Ebel i soemaot se i wantem mekem God i glad, taem hem i mekem wan sakrefaes we God i agri long hem. Baebol i no talemaot wan tok blong Ebel, be fasin blong hem mo bilif blong hem i olsem eksampol we yumi save folem.​—Jenesis 4:​1-11; Hibrus 11:⁠4.

OL ANSA

A. Brata blong hem Ken.​—1 Jon 3:​11, 12.

B. Hem “i glad.”​—Jenesis 4:⁠4.

C. Man blong lukaot long sipsip.​—Jenesis 4:⁠2.

OL ANSA LONG PEJ 23

1. Ol stik mo ol ring oli no stap.

2. Ol wing blong tufala jerubim oli no kavremap Bokis ya antap.

3. Tufala jerubim i mas lukluk i go long Lid blong Bokis ya.

4. B.