?Wetaem Yu Mas Stat Blong Tijim Pikinini Blong Yu?

● Wan man long Summerville, long South Carolina, i talem se: “Taem waef blong mi i gat bel tri manis, evri naet mi ledaon klosap long hem mo mi stap ridim Buk Blong Ol Baebol Stori long bigfala voes. Biaen, taem gel blong mitufala Bethia i bon, mitufala i gohed blong mekem olsem. Mitufala i ridim wan stori evri naet, gogo mitufala i ridim fulwan buk ya tri taem.”

Hem i gohed i se: “Taem Bethiah i stat blong toktok, hem i naf blong luksave ol man long buk ya, mo hem i save aktem sam stori blong buk ya. Mo tu hem i save talem sam stori baehat.”

Long buk ya, i gat 116 stori we oli raetem long bigfala raeting, mo i gat ol naesfala pija. Ol stori ya oli stap long oda, mo oli laenap folem taem we ol man long stori ya oli laef long hem. Olsem nao, ol man we oli ridim, oli kasem save wetaem ol stori ya oli hapen. Buk ya i gat 256 pej blong hem. Sipos yu yu wantem buk ya, yu save fulumap pepa ya daon, mo yu sanem i go long wan adres long pej 5 we i stret long ples blong yu.

□ Plis sanem buk ya long mi. Talem wanem lanwis.

□ Plis mi mi wantem se wan man i kam luk mi blong mekem Baebol stadi wetem mi we mi no pem.