SAM NIUS BLONG WOL
Nius Blong Ol Skul
Ol skul oli mas halpem ol man blong oli joen gud. Be plante taem, ol skul oli stamba blong ol faet mo fasin blong no trastem ol narafala.
Inglan
Niuspepa ya Observer i talem toktok blong Tony Blair, we i bin Praem Minista blong Inglan i se, plante taem “ol man oli yusum skul” blong mekem ol wok blong teroris. Hem i gohed i se: “Long yia 1900 i go kasem 2000, wok blong politik i mekem ol faet oli kamaot. From samting ya ol man blong ol defdefren kantri oli no moa joen gud from ol skul oli stamba blong ol faet.”
YU TRAEM TINGBAOT: ?From wanem ol skul nao oli mekem ol man oli seraot?—Mak 7:6-8.
Ostrelia
Wan ripot we Australian Bureau of Statistics i mekem, i talem se 1 long evri 5 man Ostrelia i talem se hem i no joen long wan skul. Mo tu ripot ya i talem se: “Hemia i soemaot se hem i no joen long wok blong eni skul.” I gat 15 pesen nomo blong ol man mo 22 pesen blong ol woman we oli talem se oli memba blong wan skul, mo oli stap joen oltaem long ol wok blong skul.
YU TRAEM TINGBAOT: ?Wanem ol nogud fasin we oli kamaot klia long plante skul tede?—Matiu 7:15-20.
Wol
Moa long 75 pesen blong ol man oli stap long ol kantri we oli putum tabu long ol skul, maet from loa blong gavman, no from we ol man oli agensem ol skul. Long ol 5 yia we oli jes pas, namba blong ol kantri we oli mekem trabol long ol smosmol grup blong skul, i kam antap bigwan.
YU TRAEM TINGBAOT: ?Wanem sam defdefren risen we i mekem se ol man oli agensem ol skul?—Matiu 23:27, 28; Jon 15:19.
Maet Yu Laekem Hemia Tu
KWESTIN WE PLANTE MAN OLI STAP ASKEM
?From Wanem Ol Witnes Blong Jehova Oli No Joen Long Politik?
?Oli mekem denja long gavman mo kantri?
