Miting We Oli Mekem Wan Taem Evri Yia Oktoba 7, 2000

MITING we ol memba blong Watch Tower Bible and Tract Society of Pennsylvania i mekem evri yia, bambae i stap long Oktoba 7, 2000, long Haos Asembli blong ol Witnes blong Jeova, 2932 Kennedy Boulevard, Jersey City, New Jersey. Fastaem, ol memba nomo oli gat wan smol miting long kwota pas 9 long moning, biaen bigfala miting ya bambae i stat long 10 klok moning.

Ol memba blong kampani oli mas givim adres blong olgeta naoia long Ofis blong Sekretari, sipos adres blong olgeta i jenis long ol yia we i pas, blong oli save kasem ol leta blong advaes mo ol pepa blong vot long Julae.

Ol pepa blong vot we bambae oli sanem i go long ol memba semtaem wetem pepa blong talemaot miting long yia ya, oli mas kambak bakegen long Ofis blong Sekretari blong Sosaeti, bifo Ogis 1. Ol wanwan memba oli mas fulumapgud mo sanembak pepa ya kwiktaem, mo oli mas talemaot sipos oli save kam long miting ya no nogat. Ol save long pepa ya oli mas klia long saed ya, from we oli dipen long hem blong kasem save stret se hu nao bambae i stap long miting ya.

Ating ful miting ya, wetem miting blong bisnes mo ol ripot, bambae i finis long 1 klok long aftenun no jes biaen long taem ya. Bambae i no moa gat wan narafala miting long aftenun ya. From we i no gat plante ples blong sidaon, ol man we oli gat tikit nomo oli save go insaed. Bambae oli no yusum telefon blong joenem miting ya i go long ol narafala ples, blong ol narafala man oli save lesin tu.