Wan Lafet We Yu No Mas Mestem

“Evri samting we oli gud mo evri presen we oli nambawan” oli kam long God, Papa blong yumi long heven.—⁠Jemes 1:​17.

BIGFALA presen we God i givim long ol sinman hemia blesing blong kam fri long sin mo ded tru long Jisas Kraes, wan Pikinini ya nomo we hem i gat. Ded blong Jisas, Man ya We i Pemaot yumi, i mekem se yumi naf blong kasem laef we i no save finis long paradaes wol. Long Luk 22:​19, yumi kasem oda blong tingbaot ded blong hem.

Ol Witnes blong Jeova oli glad blong singaot yu blong joen wetem olgeta blong folem oda ya blong Jisas. Oli mekem lafet ya blong evri yia, afta we san i godaon long dei we i sem mak long Naesan 14 long kalenda blong Baebol we i folem mun. Long 2001, hemia long Sande, Eprel 8. Makem gud dei ya blong bambae yu no fogetem. Ol Witnes blong Jeova long ples blong yu bambae oli save talem long yu stret ples mo taem blong miting ya.