Wan Kwestin

Kolosi 1:16 (NW ) i tokbaot Pikinini blong God se “olgeta narafala samting, God i wokem olgeta tru long hem, mo oli blong hem.” ?I minim wanem se God i wokem olgeta samting “oli blong” Pikinini blong God, Jisas?

Jeova i yusum Pikinini blong hem, wan nomo we hem i gat, olsem nambawan man blong wokem olgeta narafala samting. Jisas nomo i no wan long olgeta samting ya. (Ol Proveb 8:27-30; Jon 1:3) I stret nomo we Jisas i kasem bigfala glad from ol wok we hem i mekem, mo hemia nao mining blong tok ya se oli “blong hem.”

Yumi save se ol papa mama oli wantem, mo plante taem oli kasem glad from ol samting we oli wokem —hemia ol pikinini blong olgeta. Taswe, wan waes tok long Baebol i tokbaot wan pikinini we papa blong hem “i glad tumas long hem.” (Ol Proveb 3:12; 29:17) Long sem fasin, Jeova God i glad tumas taem nesen blong Isrel i stap tru long hem. (Ol Sam 44:3; 119:108; 147:11) Hem i kasem bigfala glad tu long ol man blong hem we oli gohed blong stap tru long hem kam kasem taem blong yumi tede.—Ol Proveb 12:22; Hibrus 10:38.

Taswe, i stret nomo we God i wantem se, Jisas, man ya we i wok wetem hem, i kasem glad tu from ol samting we hem i mekem. Yes, Ol Proveb 8:31 i talem se Pikinini ya i ‘glad tumas blong luk wol ya, mo i hapi tumas blong luk ol man.’ Hemia nao mining blong Kolosi 1:16 we i talem se: “Olgeta narafala samting, God i wokem olgeta tru long hem, mo oli blong hem.”