Oli Yusum Nem Blong God Long Sentrol Afrika

BIGHAF blong ol man long Sentrol Afrika oli bilif long God. Oli sua se hem i Man we i Wokem olgeta samting. (Revelesen 4:11) Be, olsem plante narafala man, oli no save prapa nem blong hem—Jeova.

Olsem ol man blong ol narafala ples long wol, ol man blong Sentrol Afrika oli tokbaot nem blong God long Prea blong Masta taem oli talem se, “Nem blong yu i tabu.” (Matiu 6:9, King James Version) Be blong longtaem, smol man nomo oli save nem ya. Long ol yia we i pas, strong tingting blong ol Witnes blong Jeova blong mekem wok blong prij, i jenisim tingting blong ol man long saed blong fasin blong yusum nem blong God. Tede ol man oli save gud nem blong God long plante lanwis blong Afrika, olsem Sulu (uJehova), Ioruba (Jehofah), Ksosa (uYehova) mo Swahili (Yehova). Be yet, plante Baebol we oli tanem i go long ol lanwis ya oli no stap yusum nem blong God.

Baebol long lanwis blong Sande, wan lanwis we oli yusum long sam haf blong Ripablik blong Sentrol Afrika, Sudan, mo Demokratik Ripablik blong Kongo, i gudwan, from hem i yusum nem blong God. Long haf ya blong wol, ol man oli yusum nem blong God long prapa lanwis blong olgeta, oli raetem se Yekova. Nomata olsem wanem ol man oli kolem nem blong God long lanwis blong olgeta, i impoten blong yusum nem ya. ?From wanem? From we “olgeta man we oli singaot long nem blong Jeova, hem bambae i sevem olgeta.”—Rom 10:13, NW.

[Map/Tok blong pija long pej 32]

(Lukluk niuspepa)

SUDAN

RIPABLIK BLONG SENTROL AFRIKA

DEMOKRATIK RIPABLIK BLONG KONGO

[Credit Line]

The Complete Encyclopedia of Illustration/J. G. Heck