Lodsapa—?Hem i Wanem?

?TAEM yu harem tok ya “Lodsapa,” wanem i kam long tingting blong yu? Plante man oli tingbaot wan pija we Leonardo da Vinci (1452-1519) i pentem long wan wol long Milan, Itali. Yes, long ol handred yia we oli pas, yumi save faenem Lodsapa long plante pija, stori, mo miusik, we ol man oli wokem.

?Be, wanem ya Lodsapa, mo hem i minim wanem long ol man tede we oli laef long ol yia 2000? Ol insaeklopedia mo diksonari oli talem se Lodsapa hem i laswan sapa we Jisas Kraes i kakae wetem ol aposol blong hem bifo we hem i ded. From we hem i laswan taem we Jisas i kakae wetem ol gudfala man blong hem, sam man oli putum nem ya se Laswan Sapa. Mo from we Masta ya Jisas Kraes i stanemap lafet ya, nem ya Lodsapa tu i stret.

Long ol handred yia we oli pas, plante man oli rere blong ded from ol samting we olgeta oli ting se i impoten. Sam long ol ded ya oli givhan long narafala blong smol taem. I gud tumas we man i rere blong ded blong givhan long narafala. Be, taem yumi skelem ded blong olgeta wetem ded blong Jisas Kraes, ded blong Jisas nao i impoten moa. Yes, long olgeta histri blong man we i fulap long trabol, i no gat wan ded we i gat paoa olsem ded blong Jisas. ?From wanem?

Blong ansarem kwestin ya mo blong givhan long yu blong faenemaot se Lodsapa i minim wanem long yu tede, plis ridim haf we i kam biaen.