Lav Ya We i Nambawan

KLOSAP evri taem, Grik haf blong Baebol, no Niutesteman, i tanem Grik tok ya a·gaʹpe i kam “lav.”

Buk ya Insight on the Scriptures * i eksplenem mining blong tok ya a·gaʹpe se: “Plante man oli ting se [a·gaʹpe] i wan strong filing we i stanap long fasin fren wetem narafala, be i no olsem. Man i tekem disisen blong soem [a·gaʹpe] lav long laef blong hem no long ol man from we hem i wantem mekem i stret, i wan wok we hem i mas mekem, mo i wan fasin we ol man oli tinghae long hem. Man ya i wantem mekem i gud long narafala folem samting we i stret. A·gaʹpe (lav) i givhan long man blong winim fasin badfren wetem narafala, i neva letem trabol ya i lidim hem blong lego ol stret rul mo givimbak long man we i mekem nogud long hem.”

Dip filing i save joen wetem a·gaʹpe lav tu. Aposol Pita i talem se: “Yufala i mas laeklaekem [a·gaʹpe] yufala tumas.” (1 Pita 4:​8, NW ) Taswe, yumi save talem se a·gaʹpe i no jes wan fasin we i kamaot long tingting nomo, be hat tu i joen long bisnes ya. Taswe, i gud blong tingting dip long sam vas long Baebol we oli soem se nambawan lav ya i bigwan olsem wanem mo wanem paoa we hem i gat. Maet ol vas we oli kam biaen oli save givhan long yumi: Matiu 5:​43-47; Jon 15:​12, 13; Rom 13:​8-10; Efesas 5:​2, 25, 28; 1 Jon 3:​15-18; 4:​16-21.

[Futnot]