?Yu Yu Stap Pijarem Long Tingting Blong Yu Wanem We Yu Ridim?

TAEM yumi ridim stori blong wan ples, bambae i moa isi long yumi blong pijarem ples ya long tingting blong yumi sipos yumi savegud fastaem se ples ya i luk olsem wanem. Eksampol, tingbaot ol trip blong aposol Pol we buk blong Ol Wok i tokbaot. Hem i statem faswan trip blong hem long Antiok, we long ples ya nao oli stat kolem ol man blong Jisas se ol Kristin. Biaen hem i go long Salamis, Antiok long Pisidia, Ikoniam, Listra mo Debe. ?Yu yu save pijarem long tingting blong yu se ol ples ya oli stap wea?

Ating yu no save mekem olsem sipos yu no gat wan map. Long niufala buk ya we i gat 36 pej blong hem, nem blong hem “See the Good Land” i gat olkaen map olsem. Wan man Montana, hemia long Amerika, i ridim buk ya finis mo i talemaot glad blong hem i se: “Mi save luk ol trip blong Pol mo mi traem blong tingting bakegen long ol defren rod we hem i pas long hem mo wok we hem mo ol narafala oli mekem blong talemaot gud nius. Tangkiu blong givim naesfala buk ya.”

Yumi tokbaot map blong ol trip blong Pol nomo. Be i gat fulap map yet we i stap insaed long buk ya. Ol map ya oli save givhan long wan man we i stap ridim Baebol blong mekem wan klia pija long tingting blong hem long wanem we hem i stap ridim. Sipos yu wantem wan kopi blong buk ya “See the Good Land”, plis yu fulumap smol bokis long pej ya mo sanem i kam long adres we i stap aninit no long wan long ol adres we i stap long pej 2 blong magasin ya.

□ Plis sanem buk ya long mi “See the Good Land.”

□ Plis, mi mi wantem we wan man i kam luk mi blong mekem Baebol stadi wetem mi we mi no pem.

[Foto Credit Line blong pija long pej 32]

Pictorial Archive (Near Eastern History) Est.