Tri Blong Niu Yia—?I Kastom Blong Ol Man Rasia?—?I Kastom Blong Ol Kristin?

“LONG stat blong ol yia 1830, tingting blong plante man long saed blong grin tri ya se hem i wan ‘naesfala kastom blong ol man Jemani.’ Long en blong ol yia ya, oli mekem ‘kastom’ ya long haos blong ol man Rasia we oli gat paoa, no oli rijman. . . . Be, ol lida blong skul mo ol pua man, oli no stap putum tri ya long haos blong olgeta long taem ya. . . .

“Bifo [ol yia 18 handred], ol man oli no laekem tumas tri ya. Kastom blong ol man Rasia we oli talem se tri ya olsem saen blong ded mo i joen wetem ‘ples blong ol spirit blong dedman,’ mo kastom ya tu we i blong putum tri ya long ruf blong wan ba, i no laenap nating wetem fasin blong tingting blong ol man we i stap jenis long medel blong ol yia 18 handred. . . . Yumi no sapraes se blong mekem we ol man oli agri blong folem kastom ya, oli mas jenisim mining blong tri ya, nao oli mekem i laenap wetem Krismas tri we ol man long ol kantri blong wes oli stap putum long haos blong olgeta long taem blong Krismas. . . .

“Ol man Rasia oli no laekem fasin ya blong mekem tri ya i karem wan mining we i joen wetem Kristin skul. Otodoks Jos i agensem fasin ya tu. Ol lida blong skul oli luk se niufala lafet ya i olsem ‘wok blong ol devel’ from we hem i wan hiten kastom, we i no laenap nating wetem taem we Sevia i bon. Mo tu, oli no glad from we hem i wan kastom blong ol man long Wes.”​—Profesa Yelena V. Dushechkina, wan woman we i stadi blong kasem save long ol bilif blong ol jos long Yunivesiti blong St. Petersburg State.

[Foto Credit Line blong pija long pej 32]

Photograph: Nikolai Rakhmanov