Mifala i Singaot Yu Yu Kam . . .

 ?God i Gat Paoa Yet Antap Long Evri Samting?

OL DISASTA, ol sik we oli kilim man i ded, kruked fasin blong ol lida blong politik, wok blong ol teroris, ol faet, mo fasin blong brekem loa. Klosap evri dei nomo yumi stap harem ol nius blong ol trabol olsem. Maet wan long ol trabol ya i kasem yumi finis. Be nating se i kasem yumi no nogat, ating yumi evriwan i tingbaot se sipos ol trabol olsem oli gohed, wanem bambae i hapen long wol ya. ?I gat taem we laef long wol ya bambae i kamgud?

Blong tokbaot ol samting ya, ol Witnes blong Jeova long bitim 200 kantri long wol bambae oli lesin long wan pablik tok we nem blong hem “?God i Gat Paoa Yet Antap Long Evri Samting?” Tok ya bambae i soemaot wanem ol promes we God i mekem, we i stap long Tok blong hem, Baebol, mo wanem ansa we hem i givim long ol impoten kwestin ya:

?God i kea long ol samting we oli stap hapen long wol?

?Wanem filing blong hem long saed blong ol man?

?Hem i rili wantem save sipos yu hapi no sipos yu harem nogud?

Long plante ples, tok ya bambae oli mekem long Sande, Eprel 30, 2006, long ol wanwan Haos Kingdom blong ol Witnes blong Jeova. Ol Witnes long ples blong yu bambae oli glad blong givim stret taem mo ples blong miting ya.

Mifala i glad blong singaot yu yu kam blong lesin long tok ya we i stanap long Baebol. Bambae tok ya i leftemap tingting blong yumi taem hem i ansa long kwestin ya: ?God i Gat Paoa Yet Antap Long Evri Samting?