WAJTAOA—BLONG STADI Septemba 2014
Long Wajtaoa ya i gat ol stadi long wik blong 27 Oktoba kasem 30 Novemba 2014.
?From Wanem Yu Bilif Strong Se Yu Faenem Trutok?
Haf ya bambae i tokbaot sam risen, we i mekem plante man oli agri se ol Witnes blong Jehova oli holem trutok. Mo tu, bambae yumi luk ol risen we i mekem sam Witnes oli bilif strong se oli faenem trutok.
Yumi No Lego Jehova Nating Se Yumi Kasem “Plante Trabol”
Yumi evri wan i kasem ol trabol, from we yumi stap long wol blong Setan. ?Wanem sam rod we Setan i yusum blong agensem yumi? ?Olsem wanem yumi save rere from ol trabol ya we bambae oli kam?
Ol Papa Mo Mama—Lukaot Gud Long Ol Pikinini Blong Yutufala
Papa mo mama i gat wok ya ‘blong stretem olgeta mo tijim olgeta olsem we Jehova i wantem.’ (Efesas 6:4) Stadi ya bambae i tokbaot tri rod we ol papa mo mama oli save folem blong lukaot gud long ol pikinini blong olgeta, mo givhan long olgeta blong oli lavem Jehova.
Las Enemi We God Bambae i Winim Hemia Ded
Ded mo ol narafala trabol oli mekem yumi harem nogud tumas. ?From wanem ol man oli ded? ?Olsem wanem God bambae i winim las enemi ya ded, blong olwe? (1 Korin 15:26) I gud yu luk olsem wanem ansa blong ol kwestin ya i soemaot se Jehova i gat stret fasin, i waes mo i gat lav.
Yumi Tingbaot Olgeta We Oli Mekem Wok Blong God Fultaem
Plante man we oli mekem wok blong Jehova fultaem oli wok strong. ?Yu save mekem wanem blong yu tingbaot ‘fasin blong olgeta blong soemaot bilif,’ mo fasin blong olgeta we i ‘soemaot we oli lavem God tumas?—1 Tesalonaeka 1:3.
