?OLSEM WANEM BLONG BREKEM SAEKOL YA?
1 | Mekem i Sem Mak Long Evriwan
Baebol i Tijim Se:
“God i stap mekem i sem mak nomo long olgeta man. Sipos wan man i fraet long God mo i mekem samting we i stret, God i glad long hem nating se hem i blong defren nesen.”—OL WOK 10:34, 35.
Mining Blong Vas:
Jehova * God i no jajem yumi folem kantri, laen, kala blong skin, o kalja blong yumi. Be hem i fokas moa long ol samting we oli impoten, olsem ol tingting mo ol samting we yumi laekem. I tru, “man i lukluk bodi nomo, be Jehova i lukluk samting we i stap long hat.”—1 Samuel 16:7.
Samting We Yu Save Mekem:
Nating se yumi no save samting we i stap long hat blong man, be yumi save folem fasin blong God blong mekem i sem mak long evriwan. Traem kasemsave long ol man wanwan, be no tingbaot ples o grup we hem i kamaot long hem. Sipos yu harem se yu gat ol nogud filing long narafala from ples o grup we hem i kamaot long hem, askem God blong i halpem yu blong sakemaot ol filing ya. (Ol Sam 139:23, 24) Sipos yu askem Jehova blong i halpem yu blong mekem i sem mak long evriwan, i sua se bambae hem i harem prea blong yu mo halpem yu.—1 Pita 3:12.
^ par. 6 Jehova i prapa nem blong God.—Ol Sam 83:18.
“Mi neva storian gud wetem wan waetman . . . Naoia mi mi memba blong wan bigfala famle long fulwol we oli gat trufala lav.”—TITUS
Maet Yu Laekem Hemia Tu
WEKAP!
Flas From Kala Blong Skin
WEKAP!
No Laekem Narafala—?Yu Yu Kasem Vaeras Ya?
?Wanem sam saen we i soem se maet yu yu no laekem narafala?
