?OLSEM WANEM BLONG BREKEM SAEKOL YA?
2 | No Mas Givimbak
Baebol i Tijim Se:
“Sipos wan man i mekem i nogud long yufala, yufala i no mas givimbak. . . . Yufala i mas mekem bes blong yufala blong yufala i gat pis wetem olgeta man. Ol gudfala fren, yufala i no mas givimbak, . . . from we Baebol i talem se: ‘Jehova i talem se, “Mi bambae mi givimbak. Mi nao bambae mi givim panis.”’”—ROM 12:17-19.
Mining Blong Vas:
Nating se i nomol blong kam kros taem narafala i mekem nogud long yumi, God i no wantem se yumi givimbak. Hem i wantem se yumi wet long hem, from i no longtaem bambae hem i stretem ol nogud fasin.—Ol Sam 37:7, 10.
Samting We Yu Save Mekem:
Taem ol sinman oli givimbak, hemia i save mekem fasin blong no laekem narafala i kam mowas. From samting ya, sipos wan man i mekem i nogud long yu, yu no mas givimbak. Traem kontrolem ol filing blong yu mo ansa long kwaet fasin. Samtaem, i gud blong fogetem nomo. (Ol Proveb 19:11) Be tu, sipos i oraet yu save ripotem problem ya. Eksampol, sipos ol man oli mekem bigfala trabol long yu, yu save ripotem olgeta long ol polis o long ol narafala otoriti.
Fasin blong givimbak bambae i spolem yu nomo
?Olsem wanem sipos i nogat rod blong solvem problem ya long pis? O ?Olsem wanem sipos yu bin traem evri samting finis be i no wok? Yu no mas givimbak. Hemia bambae i mekem situesen i kam mowas. Taem yu no givimbak, hemia i brekem saekol blong no laekem narafala. Yu save trastem God blong i solvem problem ya. “Yu dipen long hem, mo hem bambae i mekem samting long bihaf blong yu.”—Ol Sam 37:3-5.
Maet Yu Laekem Hemia Tu
BAEBOL I JENISIM LAEF BLONG MAN
Mi Wantem Faet From Stret Fasin
Rafika i joenem wan rebel grup we i faet from stret fasin. Be hem i kasem save long promes blong Baebol se Kingdom blong God bambae i putum pis mo stret fasin.
BAEBOL I JENISIM LAEF BLONG MAN
?Lav i Save Winim Fasin Blong No Laekem Narafala Laen?
I had blong winim fasin ya blong no laekem man blong narafala laen. Be luk olsem wanem wan man Jiu mo wan man Palestaen i winim fasin ya.
ANSA WE BAEBOL I GIVIM
?Baebol i Talem Wanem Long Saed Blong Fasin Blong Givimbak?
Advaes blong Baebol i givhan long plante man blong winim filing ya blong wantem givimbak.
