Sipos nogat, maet yu luk o harem we ol man oli tritim nogud narafala from we hem i blong defren kantri, laen o kala, o from hem i homoseksuol. From samting ya, plante gavman oli mekem ol loa blong panisim ol man from fasin ya.

Plante taem ol man we oli viktim, olgeta tu oli no laekem ol narafala mo oli wantem givimbak. Taswe fasin ya blong no laekem narafala i gohed, i goraon mo i kambak olsem wan saekol.

Maet yu yu ekspiriensem fasin ya we man i mekem i nogud long yu, i stap jikim nogud yu, o tok strong blong mekem yu fraet. Be fasin ya i save kam mowas. Plante taem oli save tritim nogud man, faetem hem, kilim hem, repem mo iven kilim i ded ful laen blong hem.

Magasin ya bambae i ansa long ol kwestin ya daon mo soem olsem wanem blong winim fasin blong no laekem narafala:

• ?From wanem plante man oli no laekem narafala?

• ?Olsem wanem blong brekem saekol blong no laekem narafala?

• ?Fasin ya bambae i lus blong olwe?