?Yu ting se . . .

• Yes?

• No?

• Maet?

Samting we Baebol i talem

Aninit long rul blong Jisas Kraes, “bambae i gat plante pis gogo mun i no moa stap,” i min se bambae i gat pis blong olwe.—Ol Sam 72:7, NW.

Narafala samting we yumi lanem long Baebol

• Bambae i no moa gat ol rabis man long wol. Ale ol gudfala man, “bambae oli harem gud, from we oli stap gud, mo oli gat plante samting.”—Ol Sam 37:10, 11.

• God bambae i finisim ol faet.—Ol Sam 46:8, 9.

Sam man oli ting se . . .yumi no save gat pis long tingting from we yumi stap long wan wol we i fulap long trabol mo fasin we i no stret. ?Wanem tingting blong yu?

Samting we Baebol i talem

Tede, olgeta we oli stap klosap long God oli save gat “pis ya blong God we i bigwan tumas i bitim olgeta save blong yumi.”—Filipae 4:6, 7.

Narafala samting we yumi lanem long Baebol

• God i promes blong finisim ol trabol mo fasin we i no stret, mo i “mekem olgeta samting oli kam niuwan.”—Revelesen 21:4, 5.

• Yumi save kasem pis ya taem yumi lukaot “God long laef” blong yumi.—Matiu 5:3.