Wan dei, wan sista long Niusilan i wajem wan video long jw.org we i tokbaot se Jehova i gat sore, be tu hem i soemaot fasin ya. (Aes. 63:​7-9) Sista ya i disaed blong mekem olsem Jehova blong lukaot rod blong halpem ol man. Long sem dei ya, taem hem i go soping, hem i mitim wan woman we i no gat haos mo i askem hem sipos i oraet hem i pem wan samting blong i kakae. Woman ya i akseptem. Taem sista ya i karem kakae i kam long woman ya, hem i tekem janis blong prij long hem, mo i soem traket ya ?Wan Dei Ol Man Bambae Oli No Moa Safa?

Woman ya i stat blong krae mo i talem se hem i gruap olsem wan Witnes, be hem i lego trutok blong plante yia. Mo i no longtaem i pas, hem i prea blong Jehova i halpem hem blong kambak long trutok. Ale sista ya i givim wan Baebol long hem mo i mekem plan blong tufala i stadi. a

Olsem Jehova, yumi tu yumi save soemaot sore long ol man, inkludum ol famle blong yumi, mo long ol brata mo sista. Mo yumi save soemaot sore tu, taem yumi lukaot rod blong prij long ol narafala.