Haf ya “?Wanem Niufala Samting?” long jw.org o “What’s New” long JW Library^®, oli soemaot ol niufala atikol mo video we oli jes kamaot. ?Olsem wanem yu save yusum haf ya blong luk ol niufala infomesen we i jes kamaot?

• Ol niufala atikol bambae oli kamaot long stret article series we oli sud stap long hem. So taem wan article series i kamaot long seksen ya “What’s New,” yu save daonlodem. Biaen yu save ridim niufala atikol we i stap faswan antap long lis, we oli putum folem ol det.

• Ol longfala haf olsem ol magasin, maet bambae i tekem longtaem moa blong ridim. Be sipos yu adem hem i go long seksen ya Favorites, bambae i isi blong yu faenem mo gohed blong ridim. Afta we yu flatem blong ridim magasin ya, yu save tekemaot.

Sam haf olsem ol nius mo ol anaonsmen, oli stap kamaot nomo long jw.org websaet, be i no kamaot long JW Library. I gud yu tingbaot blong jekem oltaem haf ya “?Wanem Niufala Samting?” we i stap long websaet blong luk ol niufala atikol.