Givhan Long Pikinini Blong “Ol Strenja”
“Taem mi harem se ol pikinini blong mi oli stap gohed blong wokbaot long trutok, hemia i mekem mi mi glad moa.”—3 JON 4.
1, 2. (1) ?Plante pikinini we oli kam long narafala kantri, oli fesem wanem problem? (2) Long stadi ya, ?bambae yumi tokbaot wanem tufala kwestin?
JOSUA, we i kam long narafala kantri wetem papa mo mama blong hem, i talem se: “Taem mi smol, mi toktok lanwis blong Papa mo Mama long haos mo long kongregesen. Be taem mi stat skul, mi laekem moa blong toktok lanwis blong kantri we mifala i kam stap long hem. Mi toktok lanwis ya gogo, mi no moa kasem save long ol miting long lanwis blong Papa mo Mama, mo mi harem se mi no moa gat sem kalja olsem tufala.” Plante narafala tu oli fesem problem ya.
2 Tede, bitim 240 milian man oli no moa stap long kantri blong olgeta. Sipos yu yu wan long olgeta, ?olsem wanem yu save tijim pikinini blong yu blong i lavem Jehova, mo i “gohed blong wokbaot long trutok”? (3 Jon 4) ?Mo olsem wanem ol narafala oli save givhan?
OL PAPA MO MAMA, SOEMAOT GUDFALA EKSAMPOL
3, 4. (1) ?Olsem wanem ol papa mo mama oli save soemaot gudfala eksampol long pikinini? (2) ?Wanem rong tingting we papa mo mama i no mas gat?
3 Ol papa mo mama, sipos yufala i wantem se ol pikinini Matiu 6:33, 34) Wok blong Jehova i mas impoten moa long laef blong yufala, i bitim we yufala i traehad blong kasem plante samting. I gud yufala i glad long smol samting we famle i gat, i nogud blong gat tumas kaon. Wok had blong hivimap “ol gudgudfala samting long heven,” hemia i min se, wok had blong mekem Jehova i glad, i bitim we yufala i wantem mane mo yufala i “wantem tumas blong ol man oli leftemap” yufala.—Ridim Mak 10:21, 22; Jon 12:43.
blong yufala oli fren gud wetem Jehova mo laef olwe, yufala i mas soemaot gudfala eksampol. Taem oli luk se yufala i ‘lukaot Kingdom fastaem,’ bambae oli trastem Jehova blong i givim samting we oli nidim. (4 Yufala i no mas bisi tumas, nao yufala i no moa spenem taem wetem ol pikinini. Taem ol pikinini oli putum Jehova long fasples mo oli no wantem se famle i gat mane mo haenem, i gud yufala i talem long olgeta se yufala i praod long olgeta. Yufala i no mas gat rong tingting ya se pikinini nao i mas wok had blong yufala i gat wan gudfala laef. Baebol i talem se: ‘I no wok blong ol pikinini blong sevem mane blong lukaot long papa mo mama blong olgeta, be hemia i wok blong papa mo mama.’—2 Korin 12:14.
WINIM PROBLEM BLONG LANWIS
5. ?From wanem papa mo mama i mas tokbaot Jehova oltaem long pikinini?
5 Olsem Baebol i talem, ol man “we lanwis blong olgeta i naranarafala” oli stap joen long ogenaesesen blong Jehova. (Sekaraea 8:23) Be sipos pikinini blong yufala i no save gud lanwis blong yufala, bambae i had blong tijim hem long trutok. I no gat wan Baebol stadi we i moa impoten i bitim pikinini blong yufala. Hem i mas “save” Jehova blong i kasem laef blong olwe. (Jon 17:3) Taswe, blong tijim pikinini long Jehova, yufala i mas toktok long hem oltaem.—Ridim Dutronome 6:6, 7.
Pikinini i moa impoten i bitim ol narafala Baebol stadi
6. ?From wanem i gud we pikinini i lanem blong toktok lanwis blong papa mo mama? (Yu luk pija long stat blong stadi.)
6 Taem pikinini i go long skul mo i storian wetem ol narafala man, hem i lanem lanwis blong kantri we oli kam stap long hem. Be taem papa mo mama i toktok oltaem wetem hem, hem i lanem lanwis blong tufala, nao i isi moa blong hem i storian wetem tufala mo i talemaot filing blong hem. Mo tu, taem pikinini i toktok tu lanwis, hem i yusum tingting blong hem moa, mo i kasem save moa long tingting blong ol narafala. Maet hem i save mekem moa long wok blong prij tu. Karolin i talem se: “Mi laekem tumas blong stap long kongregesen we oli toktok lanwis blong Papa mo Mama, from we i nidim moa man blong prij.”
7. ?Yufala i save mekem wanem sipos i gat problem blong lanwis long famle?
7 Sam pikinini oli kwik blong lanem niufala lanwis mo kalja, nao oli no moa wantem toktok lanwis blong papa mo mama blong olgeta. Sipos pikinini *
blong yufala i olsem, i gud yufala i traehad blong lanem niufala lanwis ya. Nao bambae yufala i kasem save long ol storian blong pikinini, ol pleplei, ol wok blong hem long skul, mo yufala i save toktok wetem tija. Hemia bambae i mekem se i isi moa blong tijim hem long ol Kristin fasin. I tru se i tekem taem blong lanem wan niufala lanwis. Be sipos yufala i traehad mo yufala i gat tingting daon, bambae i no blong nating nomo. Traem tingbaot: Sipos yufala i gat wan pikinini we sora blong hem i fas, ating bambae yufala i traehad blong lanem saen lanwis blong toktok long hem. Taswe, i impoten we yufala i traehad blong lanem niufala lanwis ya we pikinini i kasem save moa.8. Nating se papa mo mama i no save gud niufala lanwis, ?olsem wanem tufala i save givhan long pikinini?
8 Maet i had blong papa mo mama i toktok niufala lanwis ya. Hemia i save mekem i had blong tijim pikinini long “ol tabu tok blong Baebol.” (2 Timoti 3:15) Be tufala i save givhan long pikinini yet, blong i save Jehova mo i lavem hem. Wan elda we nem blong hem Sian, i talem se: “Mama nomo i stap lukaot long mifala, mo hem i no kasem save gud lanwis we mi mo ol sista blong mi i toktok. Mo mifala tu i no kasem save gud lanwis blong hem. Be taem mifala i luk we hem i stap stadi, prea, mo mekem bes blong hem blong lidim famle wosip evri wik, mifala i kasem save se i impoten tumas blong save Jehova.”
9. ?Ol papa mo mama oli save yusum wanem blong tijim pikinini long tu lanwis?
9 Maet sam papa mo mama oli yusum tu lanwis blong tijim pikinini long Jehova. ?From wanem? From we pikinini i toktok wan lanwis long skul mo narafala lanwis long haos. Taswe, oli yusum ol buk, ol rikoding, mo ol video, long tugeta lanwis. I klia se, ol papa mo mama ya oli mas wok had blong tijim pikinini blong olgeta long Jehova.
?BAMBAE YUFALA I JOEN LONG WANEM KONGREGESEN?
10. (1) ?Hu i mas jusum kongregesen we famle bambae i go long hem? (2) ?Fastaem hed blong famle i mas mekem wanem?
10 Samtaem ol brata mo sista we oli “strenja,” oli stap longwe long ol Witnes we oli toktok lanwis blong olgeta, ale oli joen long kongregesen blong ol manples. (Ol Sam 146:9) Be sipos i gat wan kongregesen klosap we i toktok lanwis blong olgeta, hed blong famle i mas jusum weswan kongregesen nao i gud moa long famle. Be fastaem hem i mas tingting gud, prea, mo toktok wetem woman blong hem mo ol pikinini. (1 Korin 11:3) ?Hem i mas tingting gud long wanem? ?Wanem ol advaes blong Baebol we i save givhan long hem?
Hed blong famle i mas jusum weswan kongregesen i gud moa long famle
11, 12. (1) ?From wanem i gud blong go long miting we pikinini i kasem save gud? (2) ?From wanem sam pikinini oli no wantem lanem lanwis blong papa mo mama?
11 Papa mo Mama i mas tingbaot nid blong pikinini. I no naf we evri wik, 1 Korin 14:9, 11.) Mo tu, maet niufala lanwis i gat moa paoa long tingting mo filing blong pikinini, i bitim lanwis we hem i bon wetem. Sam pikinini oli lanem blong givim ansa, talem ol fastok blong prij, mo givim tok, long lanwis blong papa mo mama blong olgeta, be ol samting we oli talem i no kamaot long hat blong olgeta.
pikinini i kasem tijing blong Baebol blong sam aoa nomo long miting. Mo tu, i no ol samting we pikinini i harem nomo long miting we bambae i tijim hem. Long wan miting we hem i kasem save gud long hem, hem i kasem tijing long plante defren rod we maet Papa mo Mama i no luksave. Be maet i no olsem sipos hem i no kasem save gud. (Ridim12 Mo tu, i no lanwis nomo we i gat paoa long hat blong pikinini. Traem tingbaot Josua we yumi tokbaot hem finis. Sista blong hem, Esta, i talem se: “Long tingting blong ol smol pikinini, trifala samting ya, lanwis, kalja, mo bilif, oli wan nomo.” Taswe, sipos pikinini i harem se hem i gat wan defren kalja long papa mo mama blong hem, maet hem i no wantem toktok lanwis mo folem bilif blong tufala. ?Ol papa mo mama ya oli save mekem wanem?
13, 14. (1) ?From wanem wan papa mo mama i muv i go long narafala kongregesen? (2) ?Tufala i mekem wanem blong gohed blong fren gud wetem Jehova?
13 Ol papa mo mama oli mas tingbaot nid blong pikinini, i bitim samting we olgeta nomo oli wantem. (1 Korin 10:24) Samuel, we i papa blong Josua mo Esta, i talem se: “Mi mo woman blong mi, mitufala i wajem ol pikinini blong mitufala, blong luksave wanem lanwis i tajem hat blong olgeta. Mo mitufala i prea tu blong Jehova i givim waes. Nao mitufala i luksave se ol pikinini oli no kasem save gud miting long lanwis blong mitufala. Ale, mifala i muv i go long kongregesen we pikinini i save gud lanwis blong hem. Oltaem ful famle i go long miting mo prij. Mo tu, mifala i singaot ol fren long kongregesen ya, blong oli kakae mo wokbaot wetem mifala. Sloslo, ol pikinini oli save gud ol brata mo sista. Mo tu, oli lanem blong save gud Jehova olsem Papa mo Fren blong olgeta, i no olsem God blong olgeta nomo. Mitufala i luk se hemia i moa impoten i bitim we ol pikinini oli lanem lanwis blong mitufala.”
14 Samuel i gohed se: “Be mi mo woman blong mi, mitufala tu i mas gohed blong fren gud wetem Jehova. Taswe mitufala i go long miting long tugeta lanwis. Nating se mitufala i bisi mo taed, be from we mitufala i lego samting we mitufala i wantem mo traehad, Jehova i givim blesing. Mitufala i glad se naoia, trifala pikinini blong mitufala oli stap mekem wok blong Jehova fultaem.”
WOK WE YANGFALA I SAVE MEKEM
15. ?From wanem Kristina i muv i go long narafala kongregesen?
15 Taem pikinini i kam bigwan, maet hem i harem se hem i save mekem moa long wok blong Jehova, long wan kongregesen we oli toktok lanwis we hem i kasem gud. Sipos i olsem, papa mo mama i no mas ting se yangfala ya i stap gowe long tufala. Kristina i talem se: “Mi save smol lanwis blong Papa mo Mama, be lanwis we oli toktok long miting i had tumas. Taem mi gat 12 yia, mi go long Ol Wok 2:11, 41) Taem Kristina i gat 18 yia, hem i tokbaot problem ya wetem papa mo mama blong hem, nao hem i mekem desisen blong muv i go long kongregesen we oli toktok lanwis we hem i save gud. Hem i talem se: “Taem mi kasem save long Jehova long lanwis ya, mi wantem mekem moa long wok blong hem.” I no longtaem, Kristina i joen long wok blong fultaem paenia, mo hem i glad tumas.
wan asembli long lanwis we mi stap yusum long skul. !Long taem ya nao, mi jes kasem save se hemia nao trutok! Wan narafala gudfala samting i hapen taem mi stat blong prea long lanwis we mi save gud. !Mi talemaot evri samting we i stap long hat blong mi long Jehova!” (16. ?From wanem Nadia i glad se hem i no muv i go long narafala kongregesen?
16 Yangfala, ?yu ting se bambae yu glad moa sipos yu muv i go long kongregesen we oli toktok lanwis we yu save gud? I gud yu tingbaot from wanem yu wantem muv i go long kongregesen ya. ?Bambae yu kam klosap moa long Jehova? (Jemes 4:8) ?No yu no wantem se Papa mo Mama i wajem evri samting we yu mekem? ?No yu no wantem traehad? Nadia we naoia i stap long Betel, i talem se: “Taem mi mo ol brata mo sista blong mi i kam bigwan, mifala i wantem muv i go long wan kongregesen we oli toktok lanwis we mifala i save gud.” Be papa mo mama blong olgeta i save se samting ya bambae i no givhan long olgeta blong oli fren gud wetem Jehova. Nadia i gohed se: “Naoia mifala i glad se Papa mo Mama i wok had blong tijim mifala long lanwis blong tufala, mo mifala i gohed blong joen long kongregesen blong tufala. Mifala i gat janis blong mekem plante moa samting, mo givhan long plante narafala blong oli save Jehova.”
?NARAFALA I SAVE MEKEM WANEM?
17. (1) ?Jehova i givim wok blong tijim pikinini long hu? (2) ?Olsem wanem ol papa mo mama oli save kasem help blong tijim pikinini?
17 Jehova i givim wok long ol papa mo mama blong oli tijim ol pikinini blong olgeta long trutok. Hem i no givim wok ya long bubu blong olgeta no long wan narafala man. (Ridim Ol Proveb 1:8; 31:10, 27, 28.) Be maet ol papa mo mama we oli no save gud lanwis blong kantri we oli kam stap long hem, oli nidim help blong kasem hat blong ol pikinini. Taem oli askem advaes, hemia i no min se oli stap sakemaot wok ya blong tijim ol pikinini. Be advaes ya i save givhan long olgeta blong oli “stretem [ol pikinini] mo givim woning long olgeta blong oli folem tingting blong Jehova.” (Efesas 6:4) Taswe, maet ol papa mo mama oli askem long ol elda blong oli givim sam tingting we oli save yusum long famle wosip. No maet oli askem help blong faenem ol gudfala fren blong pikinini blong olgeta.
Taem papa, mama, mo ol pikinini, oli joen wetem ol brata mo sista long kongregesen, hemia i givhan long ful famle (Yu luk haf 18 mo 19)
18, 19. (1) ?Olsem wanem ol narafala long kongregesen oli save givhan long ol yangfala? (2) ?Ol papa mo mama oli mas gohed nomo blong mekem wanem?
18 Sam samtaem, maet papa mo mama i luk se i gud blong singaot sam narafala famle oli kam joen long famle wosip. Mo tu, i gud we ol yangfala oli go prij wetem ol narafala brata mo sista mo mekem sam samting wetem olgeta. Oli save lanem plante samting. (Ol Proveb 27:17) Sian, we yumi tokbaot hem finis, i talem se: “Mi tingting bak long taem ya we ol brata oli lukaot gud long mi. Taem oli givhan long mi blong rerem wan tok blong miting, mi lanem plante samting. Mo mi glad tu blong joen wetem olgeta blong pleplei mo spel.”
19 Be papa mo mama i mas lukaot gud se ol brata we oli givhan long pikinini, oli pulum hem blong i respektem tufala. Hemia i min se, oli toktok gud long saed blong tufala, mo oli no traem tekemaot wok ya blong tufala blong tijim pikinini. Mo tu, oli no mekem enikaen fasin wetem pikinini, we samfala insaed no afsaed long kongregesen oli save tingting nogud long hem. (1 Pita 2:12) Nating se papa mo mama i askem help long narafala, be wok ya blong tijim pikinini long trutok i wok blong tufala yet. Tufala i no mas givim wok ya long narafala.
20. ?Olsem wanem ol papa mo mama oli save givhan long pikinini blong i kam wan man blong Jehova?
20 Ol papa mo mama, yufala i mas prea blong askem help blong Jehova, nao yufala i traem bes blong yufala blong tijim pikinini. (Ridim 2 Kronikel 15:7.) Yufala i mas givhan long hem blong i fren gud wetem Jehova, i bitim we yufala i tingbaot ol samting we yufala nomo i wantem. Traehad blong mekem Tok blong God i kasem hat blong hem. Holem strong tingting ya se hem i save kam wan man blong Jehova. Taem hem i folem Tok blong God mo gudfala eksampol blong yufala, bambae yufala i harem olsem aposol Jon, we i talem se: “Taem mi harem se ol pikinini blong mi oli stap gohed blong wokbaot long trutok, hemia i mekem mi mi glad moa.”—3 Jon 4.
^ par. 7 Yu luk Wekap! (Franis mo Inglis) blong Maj 2007, pej 10-12, “You Can Learn Another Language!”