2 Taem Yumi Safa, ?i Fol Blong Yumi Nomo?
?From Wanem i Impoten?
Sipos i fol blong yumi, hemia i min se yumi naf blong blokem.
Traem Tingbaot
?Olsem wanem ol man oli mekem yumi safa?
-
Narafala i Spolem Yumi
Wol Helt Oganaesesen (WHO) i talem se long evri fo bigman, wan, oli kilim nogud hem taem hem i pikinini. Mo long evri tri woman, wan, oli kilim nogud hem o mekem nogud long saed blong seks wetem hem, samtaem long laef blong hem (o oli mekem tufala fasin ya tugeta).
-
Man i Ded.
Wan ripot blong WHO (World Health Statistics 2018) i talem se: “Long yia 2016, i gat samwe long 477,000 man long wol we narafala i kilim olgeta oli ded.” Mo long sem yia, samwe long 180,000 man bakegen oli ded long ol bigfala faet.
-
Ol Sik.
Fran Smit i raetem long wan magasin (National Geographic) se: “Plante milian man oli smok, nating se sigaret i stamba blong ol faef bigfala sik we man i ded from, olsem: sik blong hat, strok, jes i soa, no save pulum win, mo kansa blong waet leva.”
-
Oli Mekem i Nogud Long Samfala.
Jei Wats, we i stadi long fasin blong ol man, i talem se: “Namba blong ol man we oli wari mo fraet i stap kam antap. Maet oli pua, oli mas ronwe long ples blong olgeta, ol narafala oli mekem i no stret long olgeta, oli no laekem olgeta from kala blong skin, from we oli man o oli woman, mo oli mekem enikaen samting blong daonem olgeta.”
BLONG SAVE MOA
Wajem video ya ?God i Mekem Wol Ya Blong Wanem? long jw.org.
Samting We Baebol i Talem
Ol man oli mekem plante nogud samting we yumi safa from.
Ol gavman we oli blong halpem man, oli mekem plante man oli safa.
“Sam man oli gat paoa, mo ol narafala man oli stap aninit long olgeta, oli stap harem nogud.”—PRIJA 8:9.
Yumi save daonem fasin blong safa.
Advaes blong Baebol i save givhan long helt, mo i save halpem yumi blong yumi gat pis wetem narafala.
“Sipos tingting blong man i stap kwaet oltaem, . . . bambae . . . bodi blong hem i stap gud. Be jalus i olsem sik ya kansa we i save spolem bodi.”—OL PROVEB 14:30.
“Yufala i mas tekemaot olgeta nogud filing long hat blong yufala, wetem fasin blong kros, boel long kros, singaot bigwan, mo ol rabis tok, wetem evri samting we i blong spolem narafala.”—EFESAS 4:31.
