STORI BLONG FRAN PEJ | OL SIK—?OLSEM WANEM BLONG BLOKEM?

Yu Protektem Yu

PLEI

Yu Protektem Yu

PLANTE olfala taon bifo oli gat ol bigbigfala wol we i protektem olgeta. Sipos ol enemi oli brekem wan smol haf blong bigfala wol ya, naoia ful taon ya i stap long denja. Bodi blong yumi i olsem wan bigfala wol we i protektem wan taon. Sipos yu lukaot gud long wol ya, hemia bambae i givhan bigwan long helt blong yu. Bambae yumi tokbaot faef samting we i save givim sik long yumi, mo olsem wanem yumi save blokem olgeta.

1 WOTA

DENJA: Ol bebet we oli smol we oli smol, mo oli stap long wota, oli save go stret insaed long bodi blong yumi.

BLOKEM: Beswan rod blong mekem, hemia blong protektem wota blong i no kam doti. Sipos yumi save se wota saplae blong yumi i doti, no yumi ting se i doti, yumi save mekem sam samting long haos, blong mekem wota blong yumi i sef. * Yumi putum wota long wan kontena we i gat lid, mo sipos yumi wantem dring, yumi kasem long wan longfala spun we i klin, no yumi kasem long wan tap. Yumi neva mas pusum han blong yumi long wota we i klin. Sipos i gat rod, yumi mas stap long wan komuniti we ol man oli gat ol gudfala toelet, blong mekem se wota i stap klin oltaem.

2 KAKAE

DENJA: Ol rabis bebet we oli smol we oli smol, oli save stap long kakae blong yumi.

BLOKEM: Ol smosmol bebet ya oli save stap long ol kakae we maet yumi luk se oli fres mo oli gud. Taswe i gud we oltaem yumi wasem gud ol frut mo ol ligim. Mo i gud we oltaem yumi meksua se kijin mo ol samting we yumi yusum long kijin, oli klin, mo yumi mas wasem gud han blong yumi taem yumi stap rerem no yumi kasem kakae. Sam kakae, yumi mas kukum long sam spesel tempraja, blong kilim ol bebet. Yumi mas lukaot gud long ol kakae we kala blong olgeta i jenis, mo ol kakae we smel mo tes blong olgeta i nogud, hemia sam saen we i soemaot se i gat fulap smosmol bebet insaed long olgeta. Ol kakae we yumi no yusum, i gud yumi putum kwiktaem long aesbokis. Mo taem yumi sik, i nogud yumi rerem kakae blong ol narafala. *

3 OL SMOSMOL LAEF SAMTING

DENJA: I gat sam smosmol bebet insaed long sam smosmol laef samting olsem moskito, we oli save givim sik long man.

BLOKEM: Ol smosmol laef samting ya oli gat taem blong olgeta blong oli kam. Long taem olsem, yumi mas stap insaed long haos, no maet yumi werem longfala traoses mo sot we han blong hem i longfala, blong blokem olgeta. Yumi mas slip aninit long moskito net, mo yumi rabem sam krim long yumi blong kilim olgeta. Yumi sakemaot wota long ol kontena we moskito i save putum eg insaed long olgeta. *

4 OL ANAMOL

DENJA: Ol smosmol bebet we oli laef insaed long ol anamol, oli save spolem helt blong yumi. Sipos ol anamol ya oli kakae yumi, no oli skrasem yumi, no yumi tajem sitsit blong olgeta, yumi save sik from.

BLOKEM: Sam man oli jusum blong putum anamol blong olgeta afsaed, blong i no stap klosap long olgeta. Sipos yumi tajem wan anamol, yumi mas wasem han blong yumi, mo yumi mas stap longwe long ol wael anamol. Sipos wan anamol i kakae yumi no i skrasem yumi, yumi mas wasem gud soa ya, mo yumi mas go luk dokta kwiktaem. *

5 OL MAN

DENJA: Taem man i kof no i snis, ol smosmol drop i kamaot long maot blong hem, mo sam jem we oli stap long ol drop ya oli save kam long bodi blong yumi. Oli save pas tu long skin, taem yumi sekhan no tajem narafala. Ol bebet oli save stap long ol handel blong doa, ol rel, ol telefon, ol kontrola, ol skrin blong kompiuta, mo long ol kibod.

BLOKEM: Ol samting olsem resa, tutbras, mo tawel, yumi no mas serem wetem ol narafala man. Yumi no mas tajem eni wota mo blad we i kamaot long ol anamol mo man, mo eni samting we i kamaot long blad. Mo yumi no mas lego fasin ya blong wasem gud han oltaem. Maet hemia i beswan rod blong blokem sik, blong i no kasem narafala man.

Sipos yu sik, i gud yu stap long haos. Senta Blong Winim Mo Blokem Ol Sik long Yunaeted Stet, i talem se yu mas blokem maot blong yu long wan kaliko no sot blong yu taem yu kof no yu snis, be yu no mas yusum han blong yu blong blokem maot blong yu.

Wan olfala waestok i talem se: “Man we i gat gudfala tingting i save luksave we trabol i stap kam, nao i save ronwe long hem.” (Ol Proveb 22:3) !Tede wol i fulap wetem ol rabis sik, taswe tok ya i tru tumas! I gud yu go long wan klinik klosap long yu blong kasem moa save, mo yu mekem sam samting blong yu stap klin oltaem. !Yu mas mekem bodi blong yu i strong blong blokem sik!

^ par. 6 Wol Helt Ogenaesesen i tokbaot sam rod we yumi save mekem blong gat wota we i klin. Yumi save putum chlorine long wota, no yumi save putum wota long strong san blong kilim ol smosmol bebet, no yumi save sevem wota long wan klin kaliko, no yumi save boelem wota.

^ par. 9 Blong save moa, yu luk Wekap! blong Jun 2012, pej 3-9, long Franis mo Inglis.

^ par. 12 Blong save sam rod blong blokem malaria, yu luk Wekap! blong Oktoba-Disemba 2015, pej 14-15.

^ par. 15 Sipos wan anamol we i posen i kakae yumi, yumi mas go kwiktaem long dokta.

Olsem Wanem Blong Protektem Yu Taem Wan Rabis Sik i Stap Goraon

Long 2014, sik ya Ebola i pas kwiktaem nomo long olgeta ples long Wes Afrika, mo nius blong hem i goraon long wol. Ofis blong ol Witnes blong Jehova we i stap long ples ya, i talemaot sam save we i givhan long plante man long komuniti, blong oli no kasem sik ya. Ol Witnes oli eksplenem samting we oli mekem:

?Yufala i givhan olsem wanem long ol man blong oli kasem save se sik ya i denja?

Mifala i holem sam spesel miting long ol pablik ples, blong mekem se ol man oli no fraet mo oli no wari. Mifala i eksplenem olsem wanem sik ya i pas i go long ol narafala, mo mifala i givim woning long saed blong sam fasin we oli stap mekem, we i no sef.
?Olsem wanem yufala i gohed blong holem ol miting mo tijim ol man long Baebol?

Long sam eria, gavman i blokem ol man blong oli no wokbaot, taswe mifala i kanselem ol miting blong mifala. Long ol ples olsem, ol famle oli mekem wosip long haos nomo. Mo mifala i mekem Baebol stadi wetem ol man long telefon, blong mekem se mifala i no toktok stret wetem man.
How was it possible to continue your regular public meetings and Bible-teaching work?

The government imposed quarantines in some areas, so public meetings were canceled for a time. In those areas, families met at home for their worship. Some conducted Bible studies over the phone to minimize physical contact.
?Sipos wan man i gat saen blong sik ya, yufala i mekem wanem?

Mifala i talemaot long ol haeman. Eni man we i gat saen blong sik ya, no i tajem wan man we i gat Ebola, no i go berem man we i ded from Ebola, hem i mas stap longwe long ol narafala man blong 21 dei, hemia stret taem we vaeras blong Ebola i save mekem man i sik.