Wan Dei We i Impoten Tumas Long Histri Blong Ol Man

Hemia dei ya we Jisas Kraes i ded. ?From wanem ded blong Jisas i impoten tumas? From plante risen.

Fasin blong Jisas blong holemstrong long God kasem we hem i ded i pruvum se man i naf blong holemstrong long God.

Ded blong Jisas i givim janis tu long samfala man blong oli go rul wetem hem long heven. Antap long hemia, ded blong Jisas i openem rod blong plante man oli save kasem laef blong olwe long wol ya we bambae i kam wan paradaes.

Long naet bifo we Jisas i ded, hem i yusum bred we i no gat is long hem mo red waen blong pijarem bodi mo blad blong hem, we hem i givim olsem wan sakrefaes from lav blong hem. Mo hem i talem long ol disaepol blong hem se: “Oltaem yufala i mas mekem samting ya blong tingbaot mi bakegen.” (Luk 22:19) ?Bambae yu yu tingbaot impoten taem ya bakegen?

Ol Witnes blong Jeova oli glad blong singaot yu blong joen wetem olgeta blong mekem Memoriol blong ded blong Jisas. Stret dei blong lafet ya long yia ya, hemia Tasde, Eprel 9, afta we san i godaon. Yu save kam long Haos Kingdom klosap long ples blong yu. Blong save stret taem mo ples blong memoriol ya, plis askem ol Witnes blong Jeova long eria blong yu.