God we i Mekem yumi, i stanemap ol rul long saed blong mared fastaem, long ol rul we ol gavman blong tede oli stanemap. Faswan buk blong Baebol i talem se: ‘Man i mas aot long papa mo mama blong hem, i mas go joen wetem waef blong hem, nao tufala bambae i kam olsem wan bodi nomo.’ (Jenesis 2:24) Diksonari ya Vine’s Expository Dictionary of Biblical Words, i eksplenem se Hibru tok we oli tanem i kam “waef i minim wan woman.” Mo tu, Jisas i talem se tufala we i joen tugeta blong mared, hemia “wan i man mo narawan i woman.”—Matiu 19:4.

 God i wantem se man mo woman i mas stap gud long mared blong tufala blong olwe, mo hem i wantem se tufala i mas fren gud tugeta. God i mekem man mo woman blong tufala i givgivhan long tufala blong harem gud long filing blong tufala, mo long fasin ya blong slip wanples, mo blong gat pikinini.