Baebol i soemaot se Setan hem i olsem wan man we i gat paoa blong mekem ol rabis fasin. Hem i wantem blong mekem ol “giaman saen” mo ol ‘trik,’ blong pulum ol man blong oli mekem rabis fasin. Baebol i talem se Setan “i stap mekem olsem se hem i wan enjel blong laet” (2 Tesalonaeka 2:9, 10; 2 Korin 11:14) Yumi luksave se Setan i stap, from ol trabol we hem i mekem.

 Be, Setan i no mekem olgeta nogud samting we i hapen. ?From wanem yumi talem olsem? From we God i mekem yumi long fasin ya we yumi naf blong jusum samting we i gud mo samting we i nogud. (Josua 24:15) Sipos yumi mekem wan desisen we i no stret, yumi save kasem trabol.—Galesia 6:7, 8.